من اين لكم هذا يا بيت الاسد

عنجد اللي استحوا ماتوا..

فلك جميل الاسد ، نعم فلك بنت جميل الاسد تطرح على صفحتها مجموعة من التساؤلات بعد ما صار اللي صار بجيش العهر في الرقة و ترمي مسؤولية اللي صار على اي حدا الا بيت الاسد..

تساءلت العجوز الشمطاء:
– أين إعلامنا الفاشل؟؟ هل علينا دائماً معرفة ما يحدث من خلال قنوات الغير؟؟؟
رح قلك شو صاير بالإعلام يا بنت الحسب و النسب..مذيع الأخبار اللي ما بيعرف يفك الخط، قاعد ورا الشاشات عم يطالعنا بالنشرات و التقارير، و المؤهل الوحيد اللي بيحملوا هوّة سيف علي اللي برقبتو..
و المراسل اللي آخد الكاميرا و طاير على موقع الحدث، ما بيعرف الخمسة من الطمسة و الشهادة الوحيدة اللي حاملها شهادة ” لا امام الا علي ، و لا سيف الا ذو الفقار”..

تساءلت العجوز الساديّة:
– أين كبار القادة العسكريين ، هل التعفيش و النهب عالحواجز صارت وظيفتهون الوحيدة؟؟
تساؤل مشروع ايتها المتصابية..
الضباط و القادة العسكريين يا ست فلك ما اجو من الفراغ، هنن نتاج مؤسسة خلقها اعمامك فقط لحماية عيلتكون ، و كل العلوم العسكرية اللي تعلموها خلال فترات السلم :
فك و تركيب رقاب السوريين في خمس ثواني..
كيفية نهب و سرقة و ابتزاز المواطن بدون ما تلبس البدلة..
تعلّم كيف تسرق وطن بثلاث ايام و من دون معلم..

تساءلت أيضاً عجوز البوتوكس..
– وين القادة الأمنيين من اللي صار، هل اصبح عملهون بيقتصر على كتابة تقارير السرقة و النهب لابتزاز الحرامية لمشاركتهون الغلّة؟؟

بشرفي صار لازملك بوتوكس لعقلك يا فلك، خدودك و شفايفك مانهون الشي الوحيد اللي بحاجة لنفخ و ترقيع..
بشرفك عم تسألي عن ضباط الامن؟؟
ضابط الأمن اللي شايلة عليه هموم الوطن يا هبلة، لاحق اللي عم يكتب حرية و عدالة اجتماعية و تارك ابن اخوه اللي ماسك الحدود عم يسمح لاخوكي منذر بتهريب السلاح و بيعها للمتآمرين عالوطن، و فالت المعابر لاخوكي فواز لتهريب المخدرات و نشرها في حواري سوريا..

اما التساؤل العجيب و الغريب اللي طرحتوا سيدة السيليكون الاولى، من اين لضباط الجيش و القادة الأمنيين و الإعلاميين كل هذا؟؟
عم تسألي من اين لك هذا يا فلك؟؟
من اين لفواز اخوكي اللي ما بيعرف يقرا و يكتب المليارات في حسابات سويسرا اللي ما بيعرف وين بتكون عالخريطة؟؟
من اين لمنذر اخوكي الاهبل ابو المخطة الشارّة كل هالقصور و السيارات و المزارع ؟؟
من اين لكِ انتي نفسك كل هالملايين اللي صارفتيها على نفخ شفافك ، و شفط اردافك، و رفع حلّاباتك، و تتخين حواجبك؟؟؟

انا رح قلك من وين اذا ما عندك الجرأة تقولي:
من المال اللي قبضتوه لتعيين الإعلاميين اللي عم تنتقدي عملهون..
من المال اللي ضبيتوه بجيوبكون لتسكتوا عن أفعال ضباط الجيش المخزية بحق الوطن و اللي نازلة اتهام فيهون..
من المال اللي جمعتوه نتيجة سكوتكون عن القادة الأمنيين و تجاوزاتهون الغير محتملة بحق الوطن و اللي نشحتي اعراضهون..

عرفتي هلأ من اين لكم هذا يا بيت الاسد، او باتحبي احكيلك عن النفط المسروق، او الغاز المنهوب ، او الاثار الملطوشة، او القبور المنبوشة !!!
عنجد اللي استحوا ماتوا من الضحك عالتساؤلات اللي طرحتيها..

مواضيع ذات صلة:  فلك الأسد الى لوس انجلس لتبديل البوتكسات بدراكولا