مفارقات

Samar B Mallouh
مفارقات:
_ قلتلا لجارتنا ام بكري أعلنوا القدس عاصمة لاسرائيل…. قالتلي عبيتوا مازوت لك بنتي -جاي منخفض وبكرا بينقطع !!!
_ قلتلا لرفيقتي أعلنوا القدس عاصمة لاسرائيل… قالتلي عبنتظر يطلع تعيني بالوظيفة ماعاد بدي اهلي يصرفو عليي– راتب أبوي ما بقى يكفي لاسبوع !!!
_صبية تلاتينية امام السبيل – قلتلا أعلنوا القدس عاصمة لاسرائيل… قالتلي بتعرفي وين بيوقفو سرافيس الميدان قال هونيك البندورة والبطاطا ارخص!!!
!!!
_ابن خالي كان عندو محل بسوق النسوان بالمدينة- قلتلو أعلنوا القدس عاصمة لاسرائيل… قلي تابعتي مقالتي الجديدة بصفحتي عالفيسبوك عن تصريح وزير المالية وممارسات الحكومة على الشعب!!!
_بنت خالتي دقيتلها قلتلها أعلنوا القدس عاصمة لاسرائيل…. قالتلي حبيبتي اتصلت مع خطيبي وقلتلوالذهب نازل عل –15000 شو رأيك نتجوز بقا!!!
-صديقة الكترونية ببيروت قلتلها اعلنوا القدس عاصمة لإسرائيل—قالتلي اليوم رحت على معرض الكتاب واشتريت كتاب الأبراج لكارمن وفن الطبخ للشيف رمزي–نسخة 2018