مصرية ترسل رسالة للسيسي عن تعريب التعليم في مصر

يصل و يسلم ليد السيد : عبدالفتاح السيسي
بقلم فاطيما مهدى
و اجدني اتمتم بداخلي بصوت عميق ينافس صداه صوت يوسف بك وهبي رحمة الله: (يالها من رده حضاريه ) و اسأل نفسي : تري .. هل اصدقك انت گ رئيس جمهورية يسعي نحو الانفتاح و تمكين المرأه و الحرص علي الهوية المصريه و اتخاذ قرارات اقتصادية قاسية صحيح (جدا) لكننا نقول لعل و عسي المستقبل يكون افضل ؟ .. ام اصدق #وزير_تعليم يجهر بلا حياء عبر مؤتمر صحفي مخجل بتعريب التعليم و الغاء التجريبيات .. التجريبيات الي نص شعب البلد التي تحكمها من انتخبوك و فضلوك رئيسا مرة تلتها اخري خريجينها و اولادهم ايضا … بصراحه و بدون لف و دوران اجدني اردد سؤالي : هل نعاقب ام تراكم تردون لنا الجميل ام هو إستكمال لمسلسل القضاء علي الطبقة الوسطي مثلا!!! و اجدني اسألك هل تعلم يا فندم كون مصروفات اقل مدرسة ناشيونال عادية جدا بل رقيقة الحال يبلغ 10الاف جنية و انت طالع لغاية 15 ويزيد و اكرر ناشيونال يعني منهج يوازي التحريبيات و في معظم الاحيان اقل تري هل بعد قرارات البنك الدولي بال
Egyptian pound devalutation
متخيل إن ثمة بيت متوسط الحال عنده طفلين مثلا يطمح في تعليمهم و تربيتهم تربية صالحه هايقدر عالكلام ده !!! يا سيد عبدالفتاح يابن حي الجماليه يا خريج الثانوية الجوية و الكلية الحربيه المصرية انا گ مواطنة مصرية نور عنيك اظنك تعلم اهمية دراسة اللغات و لست انا من سأخبرك .. بدليل سعيك نحو التطوير و المنح اليابانية للتعليم و اعطاء تابلت للتلاميذ و غيرة يبقي تعريب إيه الي شوقي بيقول عليه .. هو عارف التعريب هايعمل إية !!! هل الكلام ده كان في لحظة وعي منة ؟! اقسم بالله إني لا اجد مااقول .. يعني إحنا في ذيل التصنيف العالمي للتعليم و جاي السيد طارق شوقي بقراراتة العبقرية يخرجنا منه خالص بقي ؟ هل هذا ماتسعون له يا ريس؟! و إن لم يكن .. فا تصرف من فضلك .. اصبحنا مسخه ، يا سيدي انظر للتجربة الهندية و الطفرة التي حدثت بعد جعل التعليم بالانجليزية و انتم مني ادري و حيث إن ماعندناش اكتر من المدرسين ياتري مدرسين الانجليزي الي لن يفلحوا في الالتحاق بالعمل في المدارس الخاصه و الدولية هايعملوا إية ؟ ولا إحنا ناقصنا

بطاله ؟ نظرة
full visin
ياهوووووووووه .. عن نفسي مش عاوزة اكفر بالبلد .. و كأن ذنبي و امثالي إننا مصريين .. كده حرام القرارات الاقتصادية قطمت وسطنا .. حاضر تأمين صحي علي مدار معرفش كام سنة .. حاضر بتوع العشوائيات ياخدوا دعم من قلبي انا و الي زيي و يستخسروا يدفعوا 300 جنية لاء و يطلعوا يتظاهروا كمان .. حاضر غلا فااااحش و عمله متردية القيمة .. حاضر و نقول الحمدلله لعل بكرة افضل .. بس بكرة ده هايبقي افضل إزاي في ظل تجهيل متعمد؟؟ إزاي اعلم ابني يحب البلد وينتمي لها و هي بتأذية .. القرارات دي أذي متعمد علي المدي الطويل اقل شركة انهارده بتشترط للمتقدم ان يكون خريج مدارس لغات إن لم يكن
i g
يبقي دي قرارات مؤذية ولا لاء ؟!!! ده بدل ما تدرسوا إدراج ماده اللغة القبطية گ لغة اصلية للمصريين و لا إحنا صدقنا إننا عرب و لا ايه ؟! هل لو صارحت حضرتك ياريس إني مصرية مش قومجية ده امر احاسب علية مثلا !!! شئ من الصدق و العدل و الرحمة بنا الطبقه المتوسطة إلي بتطحن حرفيا البلد بتتحول لطبقتين يا ريس لو مش واخد بالك .. معدمين يمكن لأي كارة للبلد شراهم و توجيههم و مترفين يوم تأذف الآذفه هايطيروا علي برا إحنا رمانة الميزان و طوق النجاه إحنا إلي ولادنا بتوع المدارس التجريبيه و القومية ماليين كليات الحربية و الشرطة راجع وزارتك ياريس و لا خاب من استشار ماظنش قرار زي ده ممكن توافق علية وزيراتك الفضليات ذوات الأداء المشرف .. اما وزير التعليم فهو شخص قصير النظير محدود الرؤية تأملنا فية خيرا فخابت الظنون و إن وصلك يا سياده الرئيس كلامي اثق في رجاحه عقلك و ستري بأم عينك اثر تصويب هذا الخطاء و الظلم الفادح الذي يسعي له فكر هذا الوزير محدود الأفق .. و شكرا لسعه صدركم . مواطنة مصرية بياناتي موجوده للي عاوزها.