بعيداً عن السياسة ووجع الرأس ، حان وقت الزجل
..
مرقت قبالي وفالتة الشعرات
شقرا طويلة والحلا رباني
عيونها بتحكي قصص وحكايات
ونظراتها بتردد غناني
خدودها من لون هالجمرات
وشفافها للحب عطشانة
وعنقها من أجمل الرقبات
بتلمع إذا هالشمس وهجانة
وَيَا صدرها المصوّب على النجمات
مفكفكي زرار القميص حرّانة
وخصرها اللي ملفلف بطيات
بيتمايل إذا هالريح هبانة
وفستانها أقصر من الركبات
بتستحي الركبة من التانية
وغنجتها بتركع السلطان
حتى ولو كان عثماني
وبطلتها سخسخوا الشبيبات
وأنا الختيار طقطقوا سناني.
#جول_مخول
