في اللاذقية ، و عند مطلع كل يوم جمعة الصبح كنت فيق و أطلع عالبلكون بانتظار سماع هتاف من هنا او هناك عم يدعي لاسقاط النظام، لحتّى اترك كلشي من أيدي و انضم الها لدقايق قبل انقضاض سيارات البيك أب الأمنية المدججة بالعناصر المسلحة لقمع المظاهرة قبل ما تبدأ و انتظار بعدها أسبوع كامل للاستمتاع بصوتي مرة اخرى عند إطلاق لساني لشعار الشعب يريد اسقاط النظام ..
اليوم و بعد خمس سنوات و انا بعيد آلاف الاميال عن سوريا ، استعدت شعور انتظار يوم الجمعة للتمتع بصور ثوار سوريا ، و انطرب باصواتهم و هنن ما زالو عم يصرخوا نفس الشعار : الشعب يريد اسقاط النظام..
باقي تلات ايام للمتعة و الطرب .. الله معكون يا شباب ..
