Bassam Yousef
مابتظبط ….
بيكتب مطولات ومعلقات وكتب في مديح حزب الله، ولما بتقلو ياخيي مو ظابطة معك انت الماركسي تصفّ مع حزب طائفي ومرجعيته لاوطنية..؟؟ بيقلك حزب الله راس حربة في مقاومة المشروع الاسرائيلي، …. ولما بتقلو بس ياخيي حزب الله حارب بداخل لبنان وسوريا وضد اللبنانيين والسوريين أضعاف ما حارب ضد اسرائيل، وقتل من المدنيين السوريين واللبنانيين أضعاف أضعاف ماقتل من الجنود الاسرائيليين ..؟؟ ، بيقلك هي ضرورة المعركة فأعداء الداخل أخطر من أعداء الخارج، ولما بتقلو ياخيي اسرائيل بعد ما اجيتو انتو جماعة الممانعة صار وضعها احسن، واقوى، واكثر استقرار والدول اللي كانت الكلمة فيها الكن انتو اللي مصنبعين وقاعدين على راس حربة المقاومة تدمرت، خود مثلا … من ال1976 ومحور المقاومة حاكم لبنان، اللي صار انو تحول لبنان من دولة فيها مؤسسات وأسس ديمقراطية بالحد الأدنى واعلام وسياحة و..و.. إلى دولة كل مافيها منهار، وشوف سوريا اللي حاكمها الاسد، والمنجعص منذ 1970 في قلب العروبة النابض، ويقود معركة الأمة العربية ضد المشروع الاسرائيلي ..شوفو شو صار فيها اتدمرت بالكامل وتهجر شعبها ..؟؟!!. وبالمقابل ياخيي اسرائيل عين الله عليها ماشية ومو سائلة ولا عم تنهزم وعم تسيد وتميد ع كيفها ، وانتو اللي مصنبعين على رأس حربة المقاومة والممانعة عملتو من دولكن مسخرة بلا مؤاخذة،
ياخيي ما بتظبط … لانو اذا كنتو مصرين تسمو حالكن راس حربة فمنطقيا وموضوعيا وعلى ضوء النتائج بتكونوا انتو راس حربة اسرائيل ضد شعوب الدول المجاورة … ما بتظبط الاهيك !!.
ولانو الاخ ماركسي وبيفهم بالاقتصاد وبيفسر العالم حسب الاقتصاد بيقهقه ساخرا وبيسألك من وين عم تقبض لحتى عم تحكي هالحكي ..؟؟.
خيو بالمشرمحي … خراي عليك وعلى الماركسية المعفنة اللي جواتك وعلى كل حلف الممانعة والمقاومة …