منقول..
#مواطن_سوري #حمصي مربّي #حمار ، صحي الصبح لقى الحمار ميت ! ..
أخذه لعند الدكتور البيطري مشان يعرف #سبب_الوفاة ، تفاجئ من قول الدكتور :
أنو الحمار #مات_بالجلطة ؟
لف هالمواطن وجهه للحمار ، و مسك راسو ، و أخذ يحكيه بتعجب وحرقه واستغراب : !!!
#ليش_اجتك_الجلطه .. ؟
قصرت معك في الاكل
خريج هندسه ومالك ملاقي شغل ؟
خريج تجاره ، انجليزى ، و عم تشتغل بسوق الخضرة
خريج أداب و بتسوق تاكسي
خريج حقوق وبتشتغل سمسار ؟
خريج زراعه و أجاك تعيين تشتغل زبال ؟
جمعت كل اللى تملكه وأعطيته لإبنك ممشان يسافر أوروبا وغرق على شواطئ اليونان ؟
مديون و مالك عرفان تسدد ديونك ؟
مطلوب أحتياط شي ؟!
ساكن عند أهلك من بعد ما نزحت من بيتك ؟
في حمار سرقك أو نصب عليك ؟
حدا من أهلك مخطوف و مطلوب عليه فدية 10 مليون ؟
شفت السكرجية واللصوص كيف صاروا ملوك
ما معك مصاري و عم تشكي القلة ؟
بتستنى دورك فى التعيين صرلك 10 سنين ؟
حبيبتك بدها تتجوز و مالك قادر تخطبها ؟
رحت ترخّص الكيا و لقيت عليها مخالفات رغم إنك جايبها وكالة ؟
مالك قادر تشتري ملابس لأولادك ؟
مالك ملاقى بيت ؟
ئلي أجتك الجلطه ليش ؟
آخذ قرض و متورط بالسداد
أجتك فاتورة كهرباء وما قدرت تدفع ففصلوا عنك الكهرباء ؟
الدنيا ملخبطه حواليك ومخك بطل يجمع من كتر القوانين الجائرة ؟
رفع اﻻسعار مو عاجبك
شاعر أنه في ثروات و مالك مستفيد منها
أجتك الجلطه ليش ؟
طلعت ع التقاعد ومعاشك مانو مكفي إيجار بيتك ؟
إجاك فشل كلوي من المياه الملوثه و رحت تغسل ، قالولك ما في مكان إنتظر لما حدا يموت وبتفوت مكانه
شفت شي عن أهلينا بحلب ؟
الفضائية السورية إستضافتك فى برنامج شي حتى تكذب ؟
طلعت على مشفى حكومي
ممكن أعرف أجتك الجلطه ليش ؟
الدولار هتك عرض الليرة تبعك ؟
مشتهي السمك والكيلو وصل 5000 ليرة ؟
رحت تشترى لحمه ? لقيت الكيلو ب 4500 ليرة ؟
رحت تشترى رز مصري ولقيت الكيلو ب 500 ليرة ؟
رحت تجيب التموين وقالولك ما في ؟
ممكن اعرف أجتك الجلطه ليش .. ؟
اشتريت قنينة غاز 4000 ليرة ؟
أجتك فاتورة مياه 10000 ليرة ؟
مركب خط نت ب 3200 ليرة بالدورة والنت ما بيجي … وضعيف
جاية على بالك الموز ومالك قادر تشتريه ؟
المشمش نزل السوق وخلص وأنت ما سمعت عنه ؟
ممكن أعرف أجتك الجلطه ليش .. !!!
الدنيا معكرة عليك عيشتك ؟
إخواتك ما بيزوروك ؟
واحده كنت بتحبها وعملتلك بلوك ع الفيس ؟
تعليمك بيعتبروه تافه
ممكن أعرف اجتك الجلطه ليش ⁉
شعبكم جاهل وحسود ومابيحب الخير لحدا ؟
ممكن أعرف أجتك الجلطه ليش ⁉
بدك تئلي إنك بتحس أكتر منا ؟
روح الله يسامحك ……….
#تغيير_شكل #يرجى_النشر #نهفة