ليش ضحكت على كذبة النظام عن مظاهرات أهل الشام اللي طالعين يشكروا الله على نعمة المطر!!!
و ليش استهزءت بكذبة النظام اللي بتحكي عن سندويشة الكباب الملفوفة بورقة الخمسمية ، و اتمسخرت على كذبة براميل الكيماوي المدموغة بشعار الجزيرة و المعباية بالسعودية ..
و ليش شرّت مخطتك من الضحك على حكاية النظام اللي خبرتنا عن نقل اطفال علويين من الساحل و جلبهم الى الغوطة و رميهم بالكيماوي ..
و ليش يا فهمان فقدت السيطرة على نفسك و انت عم تتفرّج على فيديو النظام المفبرك و اللي شرحلنا كيف بدأت فصائل حلب بتسليم نفسها ..
و لا تنسى كمية الضحك اللي مارستها و انت عم تسمع عن مجسمات قطر و حبوب هلوسة الجزيرة ، و كيف انشق حنكك من الضحك على الغواصة الألمانية اللي واقفة على شواطئ بانياس ..
ليش ضحكت عزيزي المثقف على كل هالكذب اللي حاكوا النظام من اول يوم ثورة ، و بعدك مازلت مصدّق انّو الاخوان المسلمين عصابة شريرة كما كنّا نردد في ساحات المدارس ، و انّو ابراهيم يوسف ارهابي قاتل عليه اللعنة !!!!!
أليس من الحكمة ان تفترض و لو جدلاً انّو يكون النظام كذب علينا كمان بكل الشعارات اللي رددناها !!!
لنراجع الثقافة الغبية اللي ربينا عليها ، من هون بداية ثورتك عزيزي المثقف ..
