لك انتو موبايل ماعرفتوا تقاطعوه وتذلوا رامي مخلوف ليعتذر عن سرقته العلنية للشعب جايين تقاطعوا اكل و شرب

في حملة سورية عالفيسبوك اسمها ‫#‏مقاطعون‬ دعوة للشعب لمقاطعة السلع بسبب غلاء الاسعار .
مابدي اصدم البعض بس بعد خبرة بالحملات شعبنا ما خرج يكون ايد وحدة ، الّي رح يقاطع هو فقط الفقير الّي أساساً ما معه يشتري .
الشعب الّي اول مابتنقطع الكهرباء عنده وقبل مايشعل الشمعة بيمد راسه ليشوف اذا عند جاره بالشارع الثاني مقطوعة ليرتاح نفسياً ، الشعب الّي مابيعرف يطالب بحقه الا اذا راح وطق برغي لجاره انه اخد اكثر منه .. هاد مابيفهم بثقافة انقاذ الجماعة ، بيفهم بس بالدبكة و هوشة العرب عند الجماعة .
ربونا و درسونا .. الحزب الواحد و القائد الواحد بس عن خبث شطبوا قصة الشعب الواحد .
ياريتنا متل الغرب بيقاطعوا سلعة محددة عن مبدأ و ليهينوا تاجرها لانه بيعتبروه اهانهن بزيادة السعر ومابيشتروها لو نزلها لربع سعرها ليطلع عالشاشات و يعتذر .
لك انتو موبايل ماعرفتوا تقاطعوه وتذلوا رامي مخلوف ليعتذر عن سرقته العلنية للشعب ، جايين تقاطعوا اكل و شرب ؟؟ ونص الشعب بس يسمعوا بمقاطعة صنف رح يصير يشتري و يكثر ليثبت انه هو من الفئة الكلاس .
والله وهي حلفت .. مارح تنحل بسوريا لتنكسر قلوب الكل و يضطروا غصباً عنهن يكونوا قلب واحد .