لقطع راس هالوحش و رميو في مزبلة التاريخ

تلات سنين و شباب سوريا عم يقطعوا كل يوم شقفة من كائن حي احتل سوريا و فرض عليها الخنوع بقوّة الخوف..
كائن ما بيشبهوا اي كائن تاني..
وحش برأس واحد و ألف ذنب..
و مع كل ضربة ساطور ثورية على شقفة من أذناب هالوحش، كان عم يستشرس اكتر ، و رأسو عم ينفث السموم اكتر و اكتر..
تلات سنين و الكل كان عم يراهن على إضعاف هالمخلوق من خلال ضربات موجعة على جسدو المتآكل..
اجا لحمايتو العقرب الإيراني السام ، و الدب الروسي القبيح ، و الرتيلة اللبنانية الموجعة..
و وصل لهالوحش مضادات حيوية عربية و إسلامية لتضميد جروحو و انعاشو للاستمرار بالقتل لفترة أطول ..
اجاه ترياق الحياة من الإسرائيلي، و انضخ كمية سموم جديدة في جسمو عبر مصل اميركي، و مع كل ضربة من الثوار على جسمو المترهّل ، كان الدعم عم يجيه اكتر و اكتر ليستمر هالرأس بنفخ السموم..

صرخنا من البداية ..
هالكائن القبيح ما بينفع معو الكلام و لا الحوار، و لا بيهز فيه شعرة الحديث بانصاف الحلول و التسويات ..
كائن ما بيحكي عربي و لا اي لغة تانية ، كائن غريب عن هالمحيط ، اجا و جاب معو كل الرذيلة و فرضها على شعب و منطقة بكاملها بقوّة الرذيلة..

صرخنا من البداية ..
هيك كائن ، الضربات الخفيفة و الغير مميتة على جسمو بتقّويه ما بتضعفو.. عندو مناعة ضد الوجع لانو كائن بلا ضمير..

صرخنا من البداية..
اتركوا الاذناب و الحقوا الراس اللي عم يرمي السم…

يا ثوار سوريا..
شباب اللادقية اليوم قرروا يمسحوا عار مدينة التصقت فيها تهمة بأنّو هالوحش خرج من رحمها و أباد الشعب السوري..
ساعدو شباب اللادقية بمسح هالعار و التحقوا فيهون لقطع راس هالوحش و رميو في مزبلة التاريخ..