لحماية الأقلية الاسرائيلة في المنطقة

في احد البرامج السياسية التلفزيونية اللي شاركت فيها من فترة، كان لقاء على احد الشاشات و كان الضيف التاني للحلقة الاستاذ آفاق احمد..
خرجت يومها من الاستوديو و انا أكن كمية كبيرة من الاحترام لشخص آفاق اللي ترك النظام و التحق بالثورة في طريقه الى ضاحية نويللي الراقية جنوب باريس..
كتب اليوم على صفحتو ما حاول إخفاؤوا اربع سنين تحت غطاء العمل الثوري..
بوست كامل بيلخّص عصارة الحقد الأقلوي على المسلمين في سوريا، مستنداً بهالبيان الى جملة من الاكاذيب و من الموروث الثقافي عند ابناء الطائفة الكريمة ، الموروث اللي بيقول : المسلم بدّو يرجعني الى زمن الخدم..
مجموعة من النقاط استخلصتهون من بير الحقد اللي انكتب على صفحة آفاق ، و رح رد عليها وحدة وحدة..
كتب آفاق :
– من ثلاث سنوات تخلّيت عن اهلي و املاكي و منصبي كي لا أكون شريكاً بسفك دماءكم..
( أليس اعتراف خطي منّك يا آفاق انو و من بداية الثورة السورية و العلويين ما بدهون شي الا قتل المسلمين !!!! و الا ليش استخدمت في اخر تساؤلك كلمة دماءكم بدل من استخدام كلمة دماء السوريين؟؟؟؟؟
مين الاخطر هون يا آفاق ؟؟ المسلمين اللي عاشو ٨٠٠ سنة في سوريا مع العلويين من دون ما امرأة تُسبى ، او جزية تندفع ، او مجزرة منهجية اتصير بحق ضيعة علوية كاملة، او العلويين اللي اخدوا من الثورة السورية فرصة لتصفية أحقادهم و بأعترافك من خلال اختيارك كلمة ( دماءكم ) ..)
كتب آفاق :
– منذ ثلاث سنوات و أنتم تهينون العلويين و تشهّرون بالدِّين العلوي و تتهمونه اتهامات خطيرة..
( من يومين فقط انت قلت انو العلوية هو فكر فلسفي و ليس دين ، و بهالشي انت عم تعطينا الحق الكامل لانتقاد اي فكر فلسفي على اعتبار انو صنع بني أدمين .. فهل انتقادي للفكر الماركسي مثلاً بيعطي الحق للماركسيين بذبحي و تهجيري ؟؟؟ هون يا ريس يدك تعتمد ، اذا العلوية دين ، فأنا من أشد الناس دفاعاً عن عدم التهكم بعقيدة اي حدا، اما اذا كان فكر فلسفي متل ما حكيت من يومين فقط، فاسمحلي فيها ، رح تسمع انتقاد للصبح ..)
كتب آفاق:
– منذ ١٤٠٠ سنة و أنتم تلقبون الأقليات بألقاب بذيئة .
( رح ذكرك يا آفاق بالالقاب البذيئة اللي منحكيها عن الأقليات .. هل سمعت قبل الثورة آي حدا و اثناء ذكروا للطائفة العلوية في معرض الحديث الا و وصفها بالطائفة الكريمة؟؟؟ و كمفهوم نسبي تُقاس فيه الأشياء ، فَلَمَّا منقول عن حدا طويل منكون عم نقارنوا بشخص قصير ، و لمّا منوصف حدا بانو جميل ، منكون عم نقيس جمالو بالنسبة لشخص اخر بشع، و هكذا و من شدة بذاءة لساننا نحنا المسلمين ، كنا نقول عن العلويين بأنها الطائفة الكريمة و كأن باقي الطوائف من جماعة بخلاء الجاحظ ، فما أفظع لساننا!!! )
كتب آفاق :
– منذ سنين و نحن نقبل الشتائم لأدياننا التي ننتسب اليها..
( كيف للمسلم يا عزيزي آفاق ان يشتم من أخذتم من اسمو لقب ألكم ؟؟؟ أليس سيدنا علي ابن عم رسولنا، و من فداه بروحو، و من تزوج ابنتو ؟؟؟ )
كتب آفاق :
– بعضكم يقول ان سبب التطرّف هو النظام، متناسياً السبب الحقيقي له..
( لا يا صديقي نحنا ما نسينا ، بس على ما يبدو انت اللي انسيت و حابب ذكرك ..
بتحب ذكرك بالمتطرفين اللي أطلقهم الاسد دوناً عن غيرهم من سجونو بعد الثورة لتغيير صورتها !!!
بتحب ذكرك بشعارات مؤسسة المخابرات اللي انت كنت بطل من ابطالها من مثال بيروت و التابوت ؟؟
بتحب ذكرك بمئات الالاف من متطرفي حزب الله و ابو الفضل ، و من الميليشيات الطائفية العلوية التركية و اللي أدخلهم النظام على سوريا؟؟؟
ذكرني يا آفاق و بعد اربع سنين من الثورة ، هل قامت اي مجموعة مسلحة محسوبة عالثورة بالهجوم المنهجي على آي قرية علوية و إبادة اَهلها ؟؟؟ و مقابل كل ضيعة علوية بتذكرلي ياها، رح اذكرلك اسماء عشر ضيع إسلامية دخلها العلويين و الموتورين و قاموا بجز رقاب ابناءها ) ..
كتب آفاق :
– سبب التطرّف في سوريا هو التقليد الأعمى للخلفاء و للنصوص الموجودة في الاسلام.
( عنجد شي مثير للضحك ، هل انت نسيان يا آفاق شو اسم طائفتك؟؟؟؟ العلويين يا صديقي اذا نسيت، هل سمعت المسلمين يوماً عم يقولو نحنا الابو بكريين ، او العمريين !!! على كل حال يا ريت لو فكرك الفلسفي بيتشبّه باخلاق سيد الحكمة سيدنا علي ، صدقاً ما كنا وصلنا لهون.. )
كتب آفاق :
– اوباما استشار الشرق و الغرب قبل ضرب النظام، في حين أخذ قرار ضرب داعش بنصف ساعة لمعرفته بالقران و بدعواه بالجزية للمسحيين و بالقتل للملحدين..
( هيك كتير يا معلم آفاق ، نصيحة مني خليك بالفلسفة و بالفكر الفلسفي ، و بلالك الحديث بالسياسة .. اما اذا كنت مصر بالخوض بالسياسة ، فأنا رح جاوبك على تهكمك بتهكٌم مشابه ..
يا سيدي ، صاحبك اوباما ما ضرب الاسد مو خوفوا من الإسلاميين متل ما معتقد حضرة جنابك، و لكن صدقاً ما ممكن يشوف أوفى من حامي الأقليات لحماية الأقلية الاسرائيلة في المنطقة ) ..
كتب آفاق :
– هل تجرّؤون على انتقاد دينكم كما نحن العلويين ننتقد ديننا؟؟
( بصراحة لا ، و الله يا ريّس للامانة ما منسترجي ، بس بتعرف ليش ؟؟؟؟ لانو منخاف الله حبيبي ) ..