لابسين وجهن بالمقلوب

Eiad Charbaji
 بتلاقي شي بنت دلوعة لابسة من غير هدوم وحاطة 3 طن مكياج ومبوزة شفتيرها للسلفي، بعدين قادحتلك حكمة عمتشرشر إيمان تحت الصورة مثل (اعمل لدنياك كأنك تموت غدا، واعمل لآخرتك كأنك تعيش ابدا ) بتطلّع بتلاقي الف واحد اتعظو من هالحكمة الفظيعة ونازلين شكشكة لايكات وقلوب وتعليقات (ماشاء الله تبارك الله- صدقت- نور على نور)، ونحنا إذا حكينا كلمة عن الدين بيضل جمعة يجادلك ويعلّ قلبك ويجبلك أدلة إنو انت فهمان الدين غلط.
على الانستغرام اكتشفت عدداً من أكثر من ينتقد منشوراتي العلمانية الكافرة نازلين درز لايكات على صور تلكم الأخوات المؤمنات الحكيمات… طيب اذا انا ما عندي وسائل الإقناع المتوافرة عند (أولئكنّ) شو اعمل بحالي.؟!!
مالح افضح هؤلاء اللي لابسين وجهن بالمقلوب… بس في واحد محدد عرف هلأ انو شفتو…بتكفيه هالرعبة.