كيف عيلة بدها 200 الف ليرة لتكون عند معدل خط الفقر بتقدر تعيش بمعاش 20 الف؟

اذا العيلة مكونة من 5 افراد و بدهن 3 وجبات باليوم اذا اعتبرنا كل وجبة هي سندويشة فلافل للفرد ، سعر السندويشة هو 200 ليرة، معناه انه رب العائلة رح يدفع 90 ألف ليرة سورية شهرياً للطعام فقط هاد غير اجار البيت اذا مهجر وغير المواصلات و التدفئة و الاتصالات و الفواتير و الادوية و العمليات الطارئة .
بس بدي افهم الناس بسوريا كيف عايشين و متوسط معاشهن 20 الف بالشهر ؟
كيف عيلة بدها 200 الف ليرة لتكون عند معدل خط الفقر بتقدر تعيش بمعاش 20 الف ؟
على فكرة معدل خط الفقر العالمي بينقاس انه كل فرد بالعائلة مسحوبه 2 $ باليوم بيكون عند خط الفقر فكيف وعنا بس شخص واحد من كل العائلة عم يشتغل ليطالع ال 2$ ؟؟؟؟؟
في مجال حدا يجاوبني بأمثلة حقيقية كيف عايشين بدون ما يكتب : الله بيدبر .