الصورة رمزية لإعدام قطرة الماء على حبل المشنقة
Bassam Yousef
في السنة الثالثة والرابعة بالجامعة كان عنا مادة اسمها الوراثة الجزيئية .. ولأنها مادة اساسية فقد تم تخصيص أربع مقررات لهي المادة ..يعني سنتين وكل فصل مقرر .
هلا الدكتور المكلف بتدريس المادة كان مفكر حالو اينشتاين عصره ..لكن اللي عطانا ياه خلال السنتين يمكن بيكفيه فصل واحد وبيكون مرتاح …
أحد زملاء الجامعة أطلق على الدكتور لقب …مخترع نظرية كيف تشعل عود الثقاب .
وقال خيو انتو شايفين موضوع اشعال عود الثقاب سهل بس الدكتور اياه رح يقسم الموضوع الى اربع مقررات وهي :
1- كيف تمسك علبة الكبريت .
2- كيف تفتح علبة الكبريت .
3- كيف تمسك عود الثقاب .
4- كيف تشخط عود الثقاب .
….. هلا منشان شو انا جبت هاد المثل …؟؟.
والله العظيم نسيت …
رح يدبحنا الزهايمر … خلص بس اتذكر بكمل البوست ، ضلوا بخير.
تذكرت ..تذكرت …
كتبت البوست منشان احكي عن جهبذ يساري منظر من الطراز الأول …لما سألتو ليش ماعم تدينوا قصف وادي بردى ..قلي هاد بيتطلب منا انو نحدد طبيعة القوى المسلحة الموجودة بالوادي … ولازم نعرف فعلا حجم المشكلة المائية ومين سببها … ولازم نعرف مين الجهات اللي عم تفاوض وشو شروطها … ولازم نعرف الجهات اللي عم تقصف … الموضوع كتير معقد .. الادانة مو بهالسهولة … قلتلو فعلا الأمر معقد ..وشو منشان جبلة الادانة تبعكن طلعت بعد خمس دقائق ؟؟ قلي الأمر واضح هون … الارهابيين المدعومين من السعودية وقطر وتركيا هني اللي فجروا ….
كيف سنشعل الضمير في رؤوس البعض ؟.
(يبدو بدها أربع ثورات ..ويمكن ماتظبط ).