كيف حدا بيقدر يقاوم جاذبية ابن الحسب

المتل الشعبي بيقول:FARESALSHEHABI
اذا بيتك من قزاز، لا ترمي الحجار عالناس..
المشكلة بفارس الشهابي انّو بيتو مو بس من قزاز، حياتو كلها من اول عمرو لتاريخ اليوم داخل قوقعة كريستال ، و المعروف انو الكريستال بيفرط متل الرمل ، و على ايدي اذا الله راد ، رح تفرط حيطانك يا مسخ..

في حمص و في احد مستودعات مصنع ألفا للأدوية ، و اللي بيوقع في شارع عبد الحميد الدروبي، و المملوك من فارس الشهابي، كان الوكيل و صاحب المستودع صديق لفارس اسمو محمد انس الجندلي ..
صديق كانت بتجمعوا بفارس علاقة صداقة و عمل طويلة ، بيملك مزرعة بحمص على مفرق ضيعة الغنطو و اللي كان يستخدمها فارس في سهراتو الخاصة لمّا يجي بزيارة على المدينة ..

بيوم من الايام و اثناء زيارة فارس لمستودع حمص، شاف صبية بتشتغل بكتابة الفواتير ، صبية من أصول بدوية رح اتحفّظ على ذكر اسمها لأسباب أخلاقية ..
هالبنت عجبتو للفارس، فطلب من انس يعرفوا عليها، و لكن أنس رفض الطلب بحجة انو فارس اكبر من انو يضيّع جمالو و دلالو بهيك بنت بسيطة..

وائل العمر موظف في نفس المستودع ، و اثناء القيام بعملو بيسمع صوت صراخ نجدة من هالصبية ، لما بيركض تجاه الصوت بيشوف فارس الشهابي عم يدفشها و يحاول اغتصابها ، فما كان من وائل الا ركض عليهون و خلّصها من أيدين هالمخلوق المريض..
ومن قهرو كونو هوّة ابن الشهابي وما بصير الا اللي بدّو ياه ، و كبرت براسو انّو كيف حدا بيقدر يقاوم جاذبية ابن الحسب و النسب و خصوصي انها بنت الريف اللي بيحمل بقلبو كل الحقد تجاهو..
وعلقت بين فارس وبين انس ، لدرجة تهديدو اذا ما جبلو البنت تركع قدّامو و تقدّم واجب الطاعة، رح يسحب وكالة الأدوية منّو..
و لما رفض انس هالطلب، رجع فارس على حلب و سحب الوكالة من انس..

انا وعدتك يا فارس الزمان انو اذا ما بتوقف عن تشبيحك، رح انشر غسيلك الوسخ، و جنت على نفسها براقش يا خيّو..

About زياد الصوفي

كاتب سوري من اللاذقية يحكي قصص المآسي التي جرت في عهد عائلة الأسد باللاذقية وفضائحهم
This entry was posted in الأدب والفن, ربيع سوريا. Bookmark the permalink.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.