كم نصيحة بتجيبوا لابن الايبولا على الارض

أعلنت وكالة الصحة العالمية عن أرقام مخيفة للضحايا المصابين بفيروس ايبولا ، و اللي اتجاوز الأربع آلاف ضحية في كل ارجاء المعمورة حتى تاريخ كتابة هالبوست…
للعلاج من هالفيروس الخطير، انا المواطن السوري الموقع أدناه رح اعطيهون لاصحاب المراييل البيضاء كم نصيحة بتجيبوا لابن الايبولا على الارض و من دون كلفة إضافية :
– تحريض الفيروس على مشاهدة لوحات دريد الاسد تلات مرات باليوم ، و اللي باتسبّب بانحلال بمفاصل الفيروس من الضحك ..
– الاستماع الى نشرة اخبار قناة الدنيا بدقيقة، و الكفيلة بقيام الفيروس بلعن نفسو الف مرة على هالعيشة اللي عايشها..
– متابعة تحليلات ناصر قنديل ، و اللي قد تصيب الفيروس بمرض انفصام بالشخصية ، مما يجعل الايبولا ما يعرف حالو ، هل هوّة فيروس خبيث او فيروس ابن حلال..
– ابداء الإعجاب بصفحة رامي عبد الرحمن ابو المراصد السورية ، الا ما يقرا على صفحتو شي خبر عن اعلان داعش لاكتشاف لقاح مضاد للايبولا مما قد يدفع الفيروس للانتحار على مبدأ الموت و لا المذلة..
– إرسال الفيروس في زيارة الى ضريح البائد الخالد في القرداحة، لعلّو هالفيروس بيحس بضآلة دورو بسحق الأرواح و بيستحي على كبرتو..
– دفعوا للانتساب في صفوف الدفاع الوطني ، بركي التعفيش بيخلّيه ينسي مهمة القتل اللي خلق لاجلها ..
– قراءة بوستات باسم ياخور على مسامعو و بشكل مكثّف، بركي بيموت من الغلاظة ..
– دفعوا الى قراءة صفحتي بشكل يومي ، ليشوف أديشوا فيروس تافه بالقتل و التنكيل بمقابل ابداعات فيروس الاسد بهالمجال..