Rima Naif Hamati
اول امبارح كتبت بوست عنهم ومحيته وشطبته ..وامبارح رديت .سكتت بس حسيت اليوم رح افقع وانه كلنا لازم نتحمل مسؤوليه حقهم وكلنا لازم نحكي ..انا ما درستش اشي في الجنايات او بفهم في امور القتل ولا وظيفتي طبيب شرعي ..بس يا اخي ربنا اعطانا عقل لنفكر فيه .. قصتهم وقصه انتحارهم بتحط العقل في الكف قصتهم ولا افلام الرعب و القصص الهنديه والمدبلجه قصه انتحارهم مش نازله الي في زور يعني زمان قرأت متل اي ولد وبنت في عمري قصص الالغاز وقصص بوليسيه لراسين روبين وحضرنا افلام وتشبعنا قصص وافلام مصريه على هوليوديه ..وعلى حد سمعي قصص اخبار انتحار و على حد علمي ومعلوماتي البسيطه قصه ثريا وجمانا السلطي وطريقه انتحارهم باطله ومش صحيحه يا عمي الي بده ينتحر ..بتكون لحظه مجنونه وبتم في غفله . مش بسوق مسافه ليوصل عماره في اخر الدنيا وكمان فين ..؟؟في الجويده ..ليش عمارات الشميساني ما بتموت ؟؟؟ ..المنتحر على حد علمي بتتغير تصرفاته والكل بلاحظ و بصير عصبي.وبصير غريب و. مشتت وما بركز ..مش ملان طاقه وايجابيه زيهم ..المنتحر منشوفه بوخد حبوب ..بشرب دخان كثير وبسكر كثير ومنطوي على نفسه ومرمي في داره براجع دكتور نفسي على الاقل او حتى طبيب الاسره مش رياضي مشهور وانسان معروف وناجح ..المنتحر لينتحر بكون فاشل او وضعه مزري وفقير,ومحروم مش انسان ناجح ومحبوب ومش ناقصه اشي ..المنتحر يا اخي يمكن بحس انه مظلوم وما حداش بحبه وماكول حقه مش متل هدول ناس,طيبه و ملتم حوليها امه ربنا بتحبهم ..المنتحر شكله كله بصير غلط وحاله ملخبط مش بكون بلعب جولف وكله فرح ولعب وضحك ..من الاخر كل قصه الانتحار, كذبه ولا داخله مخي ولا رح تدخل واول مره اسمع على تحقيق في حاله موت جماعي بوخد بس يوم ونص وبقفلو الموضوع ..الانتحار مو لعبه ملاهي واطلع درج واهم اشي,حامله شنته على كتفي واطلع انا واختي في نفس الوقت مو ساطحني الا انها حامله شنته .يلا يا ثريا ما تنسيش الشنته ..وانه .وشو خوات تنتين يلا تعالي انا وانت ننتحر سوى ادا انا اساسا تاركه عيله واهل واشغال وناس ودنيا هسا فارقه معي شنتتي ..؟؟طب يا اخي وحده فيهم تخاف ..تبطل ..تغير راييها ..معقوله تنتين يرمو حالهم سوى ..مستحييييل ..يا عمي العبوها على غيرنا قصه ثريا وجمانا السلطي مش داخله مخنا ..اتمنى من كل قلبي الحق يبان وبتمنى مين ما كان يوخد جزاءه …ما في انتحار .القصه محبوكه ومفبركه والي بسكت على الظلم ظالم …ثريا وجمانا السلطي يرحمكما الله والرب انشالله يبين الحق وتظهر الحقيقه كامله …خلص فشيت غلي ..صباح الامل والخير يا وطني