قصة و حكمة من زياد الصوفي.. 61

القصة:

ما رح أبعد اليوم عن الأجواء التشبيحية لفواز الأسد، بس رح أعطيه اجازة من قصصي اليوم و أرويلكون حكاية عن فلك الأسد، أختو لفواز و زوجة احمد قذاف الدم حاليا..

يعني بشرفكون من البداية: وحدة بنتو لجميل و أختو لفواز و منذر و مرة ابن عم القذافي شو ممكن تكون حكايتها!!!

قصة اليوم صارت بالتسعينات و بديت بحديث انتشر باللادقية أنو فلك الأسد اللي كانت يومها متزوجة قصي أصلان مدير عام شركة الساحل، قتلت خدامتها الأندونيسية..

التفاصيل سمعتها لاحقا من أحد أصدقاء فلك..

بتفيق فلك بيوم من الأيام عم تقاتل دبان وجها، يومها كانت مسافرة عالشام هية و اتنين من صاحباتها..

أصواتها من الصبح معباية الحارة.. بتصرخلها صوت للخدامة تجي تكويلها بلوزة بدها تلبسها عطريق الشام..

هالبنت مسكت هالبلوزة و دخلت على حمام الست بلشت تكويها..

بيوصلو صاحباتها اللي رايحين معها، و عالأغلب هنن اللي نشرو القصة.. بيسمعوها عم تصرخ للخدامة تترك كلشي من أيدها و تعبيلها البانيو منشان تتحمم..

هالمسكينة بتنسى المكواية فوق البلوزة و بتلتهتي بحمام الهانم..

زاد حماوة البيت ريحة البلوزة اللي عم تحترق..

بتركض فلك و الخدامة ليشوفو البلوزة، بيشوفوهها مبخوشة..

يا حيواني يا بهيمي, حرقتيلي البلوزي!!!

و باتشيل هالمكواية و بتخبطها على راس الخدامة اللي بتوقع عالأرض و دم راسها عم يجري حواليها..

ما بتكتفي فلك هون بس، باتصير بتحرقها بالمكواية الحامية، شي على وجها و شي على أيديها و شي على رجليها، لحد ما ماتت البنت بين أيديها..

قصي أصلان زوجها لما عرف بالموضوع، شال أيدو عالأخير و قلها تخبر أخوها فواز على اعتبارو خبير بهيك قصص..

شوي و بيجي فواز و كلابو، بيشيلوها لهالبنت بدمها و بحروقها، و بيطلعو فيها عالجبل ليرموها..

نقلولي عن فواز أنو أول كلمة حكاها لما دخل على بيت أختو:

شو عاملتلك هالحيوانة لحتى أكلت نصيبها؟؟؟ و لك شبك خايفة ولك أختي!! قضاء و قدر..

فلك بنفس السنة بالمناسبة، قتلت الكوافير اللي بيعملها شعرها.. بس هيدي حكاية تانية الها وقت تاني ..

الحكمة:

بنت الأسد أتزوجت ابن القذافي..خلفة محتملة ما بتسوى أجلكون تاسومة و بالحمصي خفافي..