رح نحكي قصة إنسان
بيحسد “حريم السلطان”
نصحوه بدم الحيتان
شرب… وبعدها صابه جنان
صار ينط ….صار يحط
وصار بده يعمل سلطان
وبأسمه حابب يكتب مجد
ويحكم عيلة بيت عثمان
بتطبيقه حكم الإخوان
ويفرض حزبه ع البلدان
كله بإسم الإيمان
ضرب سيطه
صار يمشي متل السكران
خَبَصْ الدنيا وجنّد أفكاره ب شيطان
طموحه وصل لأفغانستان
مفتكر حاله فهمان
صار يبصّر بالفنجان
مِليت نفسه بالنشوان
بيقولوا عني فهمان
لازم أعمل جندرمان
وفجأة ….وبدون إستئذان
أنقلب الحظ
وقالتله اللي بتقرا الكف
لو حاولنا فك الحرف
حظك قلب ، وصار لازم تقعد ع الرف
ومبين إنك تعبان
قام الزلمي عقله خف
طلع من أرض الميدان
صاروا يدقولوا عالدف
وبيقولوا صار عنده جنان
و بينطنط من رف لرف
بيتنقَل بين البلدان
وبيردد متل الخوتان
آمان يا ربي آمان
ضحكوا علي
هالزعران.
هاي قصتنا يا إخوان
إذا ما عرفتوا من العنوان
شو إسمه هاد الإنسان
ما راح قوله
حتى تعطوني الأمان
وغير أسم الكنية شوي
حتى فينا نحلّ اللغز
رجب ….شو طيب أكل الرمان
#جول_مخول
