قردامبريدج

المجرم رفعت الاسد مطلوب لعدالة الشعب السوري

الجميع يضحك سراً على الألقاب اللي بترافق اسماء ابناء عائلة الاسد..
الدكتور جميل الاسد .
الدكتور فواز الاسد.
الدكتور دريد الاسد.
و غيرهم ..
كلهون دكاترة ماشالله عليهون، و هم لم يتجاوزوا بالحد الأعلى شهادة البكالوريا..
بس بيبقى لقب الدكترة اللي انعطى لرفعت الاسد من احد جامعات الاتحاد السوفياتي هوّة اللقب الأعظم و الأكثر اثارة للضحك ، فرفعت الاسد بيحمل الشهادة الإعدادية برتبة فارس من المدرسة الإعدادية الملكية في القرداحة ( قردامبريدج ) ، اما عنوان أطروحة الدكتورا فكانت ( التطور الاقتصادي و الاجتماعي و السياسي في سوريا ما بين الثورة الطبقية و الثورة الوطنية ١٩٤٦- ١٩٦٣)..
كتب الأطروحة احد الصحفيين المغمورين يومها و يدعى زياد الملا ، و اللي كان بيشتغل صحفي في وكالة نيفوستي في دمشق..
لو كان اللي كتب الأطروحة اسمو زياد الصوفي و ليس زياد الملا ، لكان الصوفي احتار اي المواضيع سيختار للدكتور رفعت :
– سوريا الأصالة في عهد هالعيلة الزبالة..
– السر المكبوت وراء بقاء العكروت..
– التاريخ السوري بين بعل و النوري..
– تحويل سوريا الحضارة الى بيت دعارة..
– سوريا التاريخ بين حضارة الفينيقيين و القيقييين..
صدقاً لو كلفني الدكتور ابو دريد بكتابة اطروحتو لكنت ضعت بين المواضيع و ما عرفت أيهما الأصلح لهيك قامة منتصبة ..
بس عالاغلب كنت استقريت اخيراً على موضوع أطروحة :
– سوريا بين آذار البعث و آذار الحرية ، بلد محكوم بضباع البريّة..