قال اذا ابتيلتم بالمعاصي فاستتروا..هيك قال.
Salwa Zakzak
حدا بكل وقاحة بيقلك انا بشتغل بتهريب الدخان والتاني بيقلك انا بعفش النخبة.يعني ماقل وزنه وثقل سعره..قال هو أكابر ومابيحب الجقجقة..والصبية ععرباية المكياج بتلحمس عايد البياع وبتقلو راعيني انا كتير بستهلك مكياج..وبسوق الخضرة الست يللي بايدها مبرومة دهب ومدري كم خاتم بتحط الصابونة بجيبتها ومابتدفع وكلنا شايفينها والتانية بتقلك عمي أبو زوجي متعلق كتير بابني وبس بدي دفعة محرزة ما بخلي ابني يزور بيت جدو لجمعة وبعدين بيصير كلشي سها وواصل لجيبتي…
وأوقح شي لما الزلمة بيتقل الهدية لزوجتو لأنو ريحة زعرنتو فايحة وبس تواجهو بيقلها غيرة مصلحة وولدنة حرام…