قاعد لحالي بحكي مع حالي
فنجان قهوة هاد رسمالي
بفكر بدنيا اليوم يا إخوان
غير الوطن ما بيعنّ عبالي
من لوعتي ببكي وبيكرجوا الدمعات
وحدة يمين ووحدة شمالي
ضاع الوطن وتفرقوا الإخوات
واحد معارض وواحد موالي
الموالي بيقول المعارضة أوغاد
والمعارض بيقول النظام رأسمالي
كتروا المشاكل وأنهدت البلدات
وخلّينا الغريب يصير والي
وناس عّم بتموت ع الطرقات
وناس من الجوع ما بتنام ليالي
وأطفال تشردوا وما عليهن حرامات
ونسوان بتقول لو بموت نيالي
وواحد عامل عنتر أبن شداد
مشكل عصابة وبيقول هالوضع يحلالي
وبعدنا منشدّ طلوع بالطلعات
وبالنزلة منصير الكل خيالة
وطش البغض وكترت الحسابات
والحارات بالسلاح متلانة
منضل إخوة شو ماكانت الآيات
خلوا السياسة تصير شغالة
شو نفع البكي لو ضاعت البلاد
وشو نفع المناصب بهيك حالة
خلونا نرجع متل الناس إخوات
ونرجع نبني هالوطن من تاني
تركوا السلاح وقعدوا ع الطاولات
وحلوا مشاكلكن بشكل إنساني.
#جول
