في معارضين أضرط من الموالين – نموذج 2

في معارضين أضرط من الموالين ( نموذج 2 )
تمثال هنانو
هو : كسر الله ايديهم
انا : خير مين هدول ؟
هو : التكفيرين يلي دخلوا ادلب …حطموا تمثال هنانو
انا : لكن في اكتر من مقطع فيديو نشر واقفين على راس التمثال و عما يقولوا تمثال حافظ الاسد
هو : هدا مو مبرر …اذا ما بيعرفول يقرؤأ فهي مصيبة
انا : ليش اخي المجاهد لازم يكون حاصل على شهادة ؟ بعدين انت بتعرف انه جيل طلائع البعث ما بيعرف من تاريخه سوى حافظ الاسد واقوال حافظ الاسد يعني لو عملت استفتاء كل شباب هالجيل تم تغيبهم تماما
هو : كيف عاملين ثورة وما بيعرفوا ابراهيم هنانو ؟
انا : دخلك … ابراهيم هنانو من اي مدينة ؟
هو : …تء ..تء …تء ………من سوريا
انا : من سوريا ايوه برافو عليك ….متى اعلن الحرب و على من اعلنها
هو : شو هالسؤال …حرب سفر برلك على الانكليز
انا : كيف كانت وفاته
هو : الاتراك شنقوه …جمال باشا السفاح
انا : يا حبيبي انت عما تحكي عن العكيد ابو شهاب في باب الحارة ما عما تحكي
شي صح عن المجاهد ابراهيم هنانو
اذا انت يلي عما تدافع عن التمثال مانك عارف شي عن هالمجاهد كيف بدك
شباب صغار ما عرفوا غير تماثيل هي الاسدين يعرفوا ابراهيم هنانو
انا : بعدين يا صاحبي انت زرت ادلب شي
هو : لا
انا : شفت التمثال شي بتعرف متى تم نحته ومين عمله ؟
هو : لا
انا : طيب تحطيم تمثال ابراهيم هنانو هل حطم مجد وتاريخ هالمجاهد
هو : طبعا …لا
انا : هل للتمثال قيمة اثرية يعني هل هو بمتحف او عمره الاف السنين متل تمثال رمسيس او توت عنخ امون او عشتار او زنوبيا
هو : لا اكيد هو نصب في احدى الساحات على هوى ما شفت
انا : طيب يقطع عمرك شو معلاق قاعد من الصبح عما تسب وتشتم على الثوار و تدعي عليهم بالتكسير لانهم حطموا تمثال هنانو و ماذكرت هالشهداء يلي تمت تصفيتهم في اقبية المخابرات قبل انسحاب عناصر الامن هروبا من ادلب
عندما يصير الحجر اغلى من البشر …هذا يعني ان قلوبنا تحجرت و عقولنا تبخرت
الحق مو عليك الحق علي يلي قاعد عما اخد واعطي معك ومحسبك معارض فهمان تضرب انت ولي صنفك معارض