في سوريا الاسد 2

في سوريا الاسد (٢٤)..
اذا بدّك تتجوّز بيلزمك موافقة أمنية من تلات فروع عالاقل..

في سوريا الاسد (٢٥)..
صور حافظ الاسد و ابناؤو بالمساجد و الكنائس ..

في سوريا الاسد (٢٦)..
فاتورة الهاتف الأرضي تعادل نص راتب موظف درجة أولى ..

في سوريا الاسد (٢٧)..
القمح بيتخزّن بالصوامع خمس سنين كمخزون احتياطي، و الشعب بيوقف ساعة على طابور الفرن ليحصل عالرغيف..

في سوريا الاسد (٢٨)..
اكتر من ستين بالميّة من الاقتصاد السوري بيد رامي مخلوف..

في سوريا الاسد (٢٩)..
أكتر من اربعين بالميّة من السكان تحت خط الفقر..

في سوريا الاسد (٣٠)..
اكتر من ٢٠٠ مليار دولار حجم استثمار المستثمرين السوريين خارج سوريا و الممنوعين من العمل و الاستثمار في سوريا..

في سوريا الاسد (٣١)..
اكتر من ٣٠٠ موقع أثري، و مع ذلك سوريا مانها موجودة بالخريطة السياحية..

في سوريا الاسد (٣٢)..
بيخلق الولد طليعي، بيترعرع شبيبي، بيكبر عضو عامل، و بيموت ما بحياتو حضران اجتماع لحزب البعث..

في سوريا الاسد (٣٣)..
البلد في المرتبة ١٤٣ على لائحة الدول الأكثر فساداً بالعالم..

في سوريا الاسد (٣٤)..
كل مواطن مدان حتى يثبت العكس..

في سوريا الاسد (٣٥)..
سوريا و جزر القمر و السودان و الصومال و لبنان، الدول الوحيدة العربية اللي ما تأهلت على كاس العالم بالفوتبول، مع العلم انو شافو في الرياضة حياة..

في سوريا الاسد (٣٦)..
عنصر أمن مخصص لكل تلات مواطنين ..

في سوريا الاسد (٣٧)..
امتلاك سيارة عبارة عن حلم، و شراء بيت بيكلفك غربة عشرين سنة..

في سوريا الاسد (٣٨)..
طلعة غدا على مطعم مع العيلة بيلزملها تحضير تلات شهور..

في سوريا الاسد (٣٩)..
متوسط دخل الموظف ستين دولار بالشهر، بالوقت اللي ثروة بشار لحالو اكتر من تلاتين مليار دولار.

في سوريا الاسد (٤٠)..
الشباب اللي بدهون ينتسبوا للجان مكافحة الفساد، بيدفعوا رشاوي ليكونوا جزء منها.

في سوريا الاسد (٤١)..
دخلت السجن بدعوى رشوة ضابط بالجيش، و خرجت منّو برشوة للقاضي..

يتبع..