في سوريا الاسد

في سوريا الاسد (١)..

اتصّلت مديرة مدرستي بالوالدة و انا بالصف الخامس ،عم تطلب منها ما بقا تبعت معي موزة عالمدرسة..

في سوريا الاسد (٢)..
سفرة شهرية على طرابلس لشراء علبة سمنة و كيلو قهوة..

في سوريا الاسد (٣)..
الشريف درويش، و الحرامي شاطر حلال عليه..

في سوريا الاسد (٤)..
يوم عطلة الجمعة عند الناس لتوفير المواصلات..

في سوريا الاسد (٥)..
المشايخ و المطارنة مساعدين بفرع امن الدولة..

في سوريا الاسد (٦)..
البحر اتبلّط و خشب الغابة صار فحم اركيلة ..

في سوريا الاسد (٧)..
راحت ايام عبد الحليم العندليب ، و اجت ايام الديوكة..

في سوريا الاسد (٨)..
صار للمصالحة الوطنية وزارة..

في سوريا الاسد (٩)..
الحرية شعار للأمة ، مشروط بالوحدة و سبيل للاشتراكية ، و حلّوها اذا فيكون..

في سوريا الاسد (١٠)..
امة عربية واحدة من طهران للضاحية..

في سوريا الاسد (١١)..
الماغوط قرر يخون وطنو بعد ما شاف أمثال غوار صارو الوطن..

في سوريا الاسد (١٢)..
شعار التلفزيون العربي السوري ، تعس..

في سوريا الاسد (١٣)..
منقرا الجرايد الدولية بعد تلات ايام من صدورها..

في سوريا الاسد (١٤)..
العلم و الشوارع و الأرصفة تعتبر مكرمة من الرئيس ..

في سوريا الاسد (١٥)..
حلّك يا الله حلّك، يقعد حافظ محلّك..

في سوريا الاسد (١٦)..
الضابط بتكبر ثروتو طردياً مع ارتفاع رتبتو، و بتتناسب عكسياً بحسب طائفتو..

في سوريا الاسد( ١٧)..
ارتفعت على قمة جبل قاسيون لوحة ” منحبك “..

في سوريا الاسد (١٩)..
اتسمّت اسماء المطارات كلها بأسماء عائلة الاسد ، الا مطار الضبعة فتركوه بهالاسم تيمنّاً بناعسة ، مو لسواد عيوننا..

في سوريا الاسد (٢٠)..
ممنوع اتبيع دخان تهريب، بس مسموح تهريبوا..

في سوريا الاسد (٢١)..
انتقلت العاصمة السياسية على جبلة، و الاقتصادية عالقرداحة..

في سوريا الاسد (٢٢)..
قام الشعب السوري وانتقض منشان سندويشة كباب و خمسمية ليرة ..

في سوريا الاسد (٢٣)..
رئيس معتوه حكم البلد ١١ سنة و هوّة مقتنع انو اهم إنجاز عملو بكل هالسنين انو نزل مع مرتو أكل بين الناس بوظة بساحة عرنوس..