في أمل ؟؟ ايه فيه أمل..

فرحت من كل قلبي لمّا سمعت خبر النجاح الكاسح للطيب اردوغان بالانتخابات المحلية في تركيا ، و أسباب هالسعادة اللي

بشار الأسد مقابل أردوغان وقرار كل منهما بالضرب بداخل سوريا وتركيا

صابتني بعد تلات سنين خيبات امل اجت من انو ” ايه في امل”..

بشو بتختلف تركيا عن سوريا ؟؟
ثقافتنا واحدة، و لغاتنا ساميّة، و تاريخنا مشترك ، و منشرب من نفس النهر ، و ديننا واحد، و أقلياتنا نفسها، أرمن و أكراد و علويين و مسحيين ..و بيجمعنا اكتر من خمسمية كيلومتر حدود مشتركة ، و منطقنا واحد، و ترابنا نفس اللون..
لكن ليش تركيا بكوكب ، و نحنا بكوكب تاني تماماً؟؟
كلمة السر هيّة ” القائد “..

ما بين اردوغان و الاسد مسافة لا يمكن حسابها بحسب التوقيت الأرضي ..
– اردوغان اللي رفع تركيا الى المرتبة ١٦ اقتصادياً، بعد ما كانت بالمرتبة ١١٧ عالمياً، بالوقت اللي الاسد وصّل سوريا للمرتبة ١٢٧ على ميزان الدول الأكثر فساداً..
– اردوغان اللي رفع متوسط دخل الفرد من ٢٥٠٠ دولار الى ٧٥٠٠ دولار ، بالوقت اللي الاسد وصّل دخل الفرد السوري شهرياً الى ٢٠٠ دولار..
– اردوغان اللي أعاد ٤٦ مليار دولار منهوبة من أفراد حكموا تركيا سابقاً و أودع المال في صناديق الدولة ، بالوقت اللي ثروة عائلة حافظ الاسد بتتجاوز ١٢٠ مليار دولار في المصارف الأجنبية..
– أردوغان اللي سمع صرخة السوري من وراء الحدود و صدّقها ، منشوف الاسد سمع نفس الصرخة و قال عنها جعير إرهابيين..
– أردوغان اللي احتضن مئات الآلاف من السوريين اللاجئين و وصفهم بالضيوف و صرف عليهون ٧ مليار دولار ، منشوف آلة الاسد القاتلة و سمومو الطائفية شحدت من ايران الإرهابية ٩ مليار لتهجير نفس السوريين..

في أمل ؟؟ ايه فيه أمل..
فبعد انتخابات اليوم ، السوري صار بيعرف كيف بيكون شكل القائد و كيف بيكون شكل القوّاد..
و عليه سيختار قائدو..

شكرًا تركيا..