فيلم واحد اسمو سوريا مملكة الرعب

في كل سنة ، و في اليوم الأخير من شهر أكتوبر ، بيطلعوا الناس بالشوارع لابسين أقنعة احتفالاً بالهالويين..
مصاصين دماء.. رجال مستذئبة.. زامبي.. جايسون ، و غيرها من الاقنعة اللي من شدة اللي شفناه في سوريا خلال اربع سنين ، فقدت القدرة على تخويفنا بهالليلة التشرينية المظلمة..
سوريا اليوم عم تعيش أضخم عمل سينمائي مرعب ، عجز هيتشكوك حتّى عن السماح لمخيلتو الواسعة انو توصل لهيك صور..
براميل الموت.. صواريخ الكيماوي.. برد المخيمات.. صقيع المياه تحت قوارب الهرب.. حيطان المعتقلات الرطبة.. لقاحات الأطفال .. الأمراض السارية.. الخوف من بكرة..
كلها في فيلم واحد اسمو سوريا مملكة الرعب، لمخرج واحد اسمو الجيش الاسدي، و شركة انتاج وحدة اسمها ايران ..
اما كاتب قصة هالفيلم الاسود الطويل فهوة بشار الاسد ، اللي قدر يوصل لهيك مخيّلة واسعة بالكتابة نتيجة اعظم صورة مرعبة شافها و عايشها و كانت مصدر إلهامو..
صورة القذافي و العصا المدحوشة في قفاه ..