فلنعيد دمشق و بيروت توأم سامي غير سيامي

كنت أتضايق كتير لمّا اللبناني يطلع عالتلفزيونات و يحكي بالمقاهي العامة و بالجلسات الخاصة و بأي مناسبة على السوري و على التاريخ الأسود اللي عاشو اللبناني في ظل الوجود السوري في كل مفاصل الحياة العامة و الخاصة..
و دفاعي كان دائماً مبني على حقيقة ما كان يصدقها اللبناني، بأنّو السوري الموجود في شوارع بيروت و على حواجز قوات الردع بحجة المقاومة ليسو الا قرداحيين او ما شابه و ما بيمثلو المواطن السوري الحقيقي اللي ما بيعتز بفترة احتلال القرداحيين للبنان..
طلع القرداحي من لبنان، و دخل الحالشي الى سوريا..
و ما أشبه اليوم بالأمس..
قوات حالش تحتل اجزاء كبيرة من سوريا اليوم، و تبتز أهلها و بيتهجرهون بنفس الحجة ، مقاومة و ممانعة و زينب و حسين و كل ما تيسّر من آيات النفاق و حفلات الدجل، مترافقة مع آلة إعلامية قذرة و أقلام صحفية رخيصة لشرعنة هذا الاحتلال..
يا شعب سوريا و لبنان العظيم..
خلّونا نتعلم من التاريخ، و ناخود منّو العبر..
من يحتل سوريا هنن كائنات رخيصة من ضاحية رخيصة يتبعون لقائد قذر.. كائنات عبء على اللبناني قبل ما يكون محتلين لسوريا..كما كان القرداحي و ما يزال عبء و عار على السوري تماماً..
السوري و اللبناني شعبين في بلدين متجاورين بالحغرافية، متشاركين بالتاريخ ، محكوم عليهم نفس المستقبل، شريكين بنفس المصيبة..
مصيبتنا واحدة..
ايها اللبناني ساعدني لنعيد بيروت كما كانت سويسرا الشرق و عاصمة الذوق و الفن، و ساعدني لنعيد دمشق منبر العلم و الثقافة و عاصمة الأصالة و الجمال..
فلنعيد دمشق و بيروت توأم سامي غير سيامي..