فجحشنتكم تهمنا و هي سر إستمرار ثورتنا

نشرت احدى صفحات اللادقية المؤيدة و المنتشرة على نطاق واسع بين صفوف قليلين الذمة و الأخلاق، بوست بيحكي عن تعاون استخباراتي اميركي سوري في الحرب المعلنة على الإرهاب..
و كعادة المخابرات السورية، دائماً بيقوموا لتمرير إشاعة بإعطاء الخبر بعد مخابراتي سري حتى ما يترك اي طريقة للبحث عن اصل الخبر..
البوست بحد ذاتو لا قيمة له، فالمعد و المؤلف و الناشر هو شي مساعد اول بفرع مخابرات في الشام..
اللي بيلفت النظر هو تعليقات الشبيحة مقاومي الشيطان الأكبر على هالخبر..
فتفاوتت التعليقات بين الصلاة لصحة الخبر، و بين الدعاء للخالق بأن يكون هالكلام صحيح و انو هناك تعاون بين الملائكة الاسديين و الشياطين الاميركان في سحق و محق الإرهاب..
شيزوفريينيا حقيقية عم نشوفها في صفحات الشبيحة:
فنجد في خبر انو الاسد سيسقط طائرات التحالف و الكل هون بيصفّق ، و في خبر اخر هناك تعاون استخباراتي و الكل بيدعي و بيصلّي ليكون هالخبر صحيح..
و نجد في خبر انو ايران لن تسمح و سترد و الكل هون بيصفّق، و في خبر اخر بيقول انو وزير عراقي منتدب من ايران مرّر خطة التحالف للأسد بالتنسيق مع الاميركان و الكل بيصلّي و بيدعي لصحة الخبر..
و نجد في خبر على جريدة الوطن بيقول انو روسيا زوّدت النظام بنظام دفاع جوي متطور و الكل هون بترجع عنترياتو و بيصفّق ، و خبر منقول من الميادين انو الألمان أعطو ضمانات للأسد بعدم ضرب مواقع الدفاع الجوي الاسدي و الكل هون بيرجع على سجادة الصلاة و بيبدا بالدعاء لصحة الخبر..
الصحة النفسية عند الشبيحة بتهمني، لذلك أوصي :
بتلات حبات مقاومة بعد الفطور..
حبتين تعاون بعد الغدا..
حبة عنتريات بعد العشا..
مع الإبقاء على سيروم الجحشنة مربوط بأوردتكون ليل و نهار، فجحشنتكم تهمنا و هي سر إستمرار ثورتنا ..