قرأت بيان هيئة التنسيق اليوم على لسان ” الدكتور ” منذر خدام صاحب أسرع فترة اعتقال في تاريخ الاستبداد الأسدي ، تلات 
دقايق و اربع و تلاتين ثانية و شحطتين من الثانية ..
صاحب السكسوكة اللي تدل شكلاً على شيوعيتو ، و مضموناً على انتقاص رجولتو..
اسمعو شو بدّو صاحبنا :
” قال هوّة يدين و بأشد عبارات الإدانة فتح جبهة الساحل و دخول الإرهابين و الاستيلاء على معبر كسب على الحدود التركية ، كما و يشجب التدخل السافر للحكومة التركية من دعم لوجيستي و مساندة نارية للإرهابيين اللي دخلو على الريف اللادقاني ..”
تعبنا من تفاهاتك و طائفيتك المقيتة ..
هل يا ” خدام ” صارو ولاد مشروع الصليبة و الصليبة و الطابيات و السكنتوري و شباب باقي احياء اللادقية إرهابيين و طائفيين ؟؟ ام اتهامك الهون بالإرهاب هوّة قمة الطائفية ؟؟
و هالعينتين اللي حاكمت بالنوايا و بدون اي دليل تدخل الأتراك في جبهة الساحل ، ما شافت عمائم لبنان و العراق و ايران و هنن عم يتوعّدوا اهل سوريا بقطع الايدين و بقر البطون علناً؟؟
و هالأنف الافطس اللي شم ريحة الطائفية عند ابناء مدينتو ، ما شم ريحة البقلاوة الموزعة على دماء اهل القلمون؟؟؟؟
و هالاصابع المقززة اللي كتبت هالبيان و اتهمت شباب الثورة بالمس بالمعتقدات، كانت مشلولة أثناء هدم الجامع العمري و الجامع الأموي و مقام سيدي و سيدك و سيد اللي خلّفك خالد؟؟؟؟؟
و هالاذنين الواصل طولها لقصر الشعب، سمعت أصوات التكبير ، بس ما سمعت أصوات اللطم؟؟؟؟
و هالاكتاف اللي نفضت فوق صدرك، اهتزّت خوفاً من شب دفعتوا الحميّة للدفاع عن عرضو ، بس ما اهتزوا للكلاب اللي انتهكت الأعراض؟؟
و هالقرعة اللي ناتعها بين كتافك، قررت انّو جبهة الساحل حرام، أمّا كسر جبهة القلمون فهيّة حلال الحلال..
ايه علي الحلال يا ” خدام” احترنا شو بدّك؟؟
و قيمة بيانك لا تتجاوز قيمة الورق اللي انكتب عليه..
ما سألت حالك هالسؤال ولا خي ؟؟؟
كيف النظام ما قتلك او اعتقلك و انت معارض شرس؟؟؟
انا رح جاوبك..
لانّو قيمتك عند نظام الاسد متل قيمتك عند معارضين الاسد..
و بالمحصلة قيمتك ولا شي ..
فأنت اقل قذارة بقليل لتكون مع النظام، و اقل شرف بكثير لتكون مع المعارضة..
