عندكون كل هالمصايب و لاحقين الدكتور فيصل القاسم

معلشي حزب الله يهين مؤسسة الجيش باقتطاع الضاحية الجنوبية من السيادة اللبنانية ..
و معلشي حزب الله يقزّم لبنان كوطن و يحتلُّوا في سبعة ايار..
و معلشي حزب الله يصادر القرار الحكومي و يعطّل اجهزة الدولة..
و معلشي حزب الله يترك لبنان من دون رئيس فقط للضحك على شوارب ميشيل عون الغير طالعين..
و معلشي حزب الله يغتال اكبر زعيم سنّي في الشرق الأوسط و يتهرّب من مذكرات جلب المتهمين و يقوم بحمايتهون للتفاوض عليهون لاحقاً..
و معلشي حزب الله يغتال القلم الحر و يخرس ديك النهار جبران تويني و يستبدلو بتافه متل حسين الحزوري ..
و معلشي حزب الله يقتل صاحب كلمة الحق بوضح الضو و يطلع بجنازة سمير القصير ..
و معلشي حزب الله يسيطر على قرار الحرب و السلم في لبنان ..
و معلشي حزب الله يخترق سيادة و حرمة جيرانو ، و يغتصب أراضيهون و يدمّر بيوتهون أثناء ممارسة لبنان سياسة النأي بالنفس..
و معلشي حزب الله يكون قائدو بعمامة عم يدعي لحماية المقدسات ، و يا ويلو و يا ظلام ليلو اللي بيقول الله اكبر..
و معلشي حزب الله يزرع البقاع حشيش على مرأى من الدولة..
و معلشي حزب الله يعلن علسان قائدو الولاء للولي الفقيه ..
و معلشي حزب الله يسلِّح جبل محسن بطرابلس ليقدّم هالمدينة دائماً على انها المدينة السنيّة الغير آمنة …
و معلشي حزب الله ينتهك حرمة و قدسية القضاء و يغطّي على المهربين و الجواسيس و تجار النسوان و صيادي الجوائز ..
ايها القضاء اللبناني ..
ايتها الدولة اللبنانية..
عندكون كل هالمصايب تاركينها ، و لاحقين الدكتور فيصل القاسم شو حكي بآخر حلقة!!!!!!