هل يعتقد اللبناني العنصري و الطائفي عنجد انّو بلادو قطعة سما و بالكون تاني ما الها؟؟؟ و انّو الشعب السوري ترك بيوتو و ضيعو و مدنو طمعاً للعيش تحت ظل الارزة اللبنانية !!!!
تذكّر أيها المأفون و المشبع بالغضب و الحقد و الكراهية انّو السوري اللي استقوى عليك بيوم من الأيام هو ما زال حليف لحكومتك و نصير فئة كبيرة من شعبك ، و انّو السوري اللي عم تتمتع بممارسة ساديتك عليه ، هو من كان يقول سرّاً : الله يكون بعون اللبناني كيف متحمّل قذارة جيشنا ..
باختصار عزيزي اللبناني ممن تستقوون على الهاربين من بطش عصاباتكون ، تذكّروا انّو حدود بلادكم سوريا شرقاً و شمالاً ، و البحر غرباً ، و اسرائيل جنوباً، الله لا يوقّعكم بالمصيبة ، بس صدقوني ما إلكون غيرنا، الا اذا ناويين تعملو كلكون أنطوان لحد جديد و تعيشو بظل العلم الأبيض ابو نجمة و خطّين زرق..
