حالة من الهلع و الخوف و الترقّب صايبة النظام و اتباع النظام من لحظة اعلان تشكيل تحالف دولي لضرب الإرهاب ، فالشي اللي خططلو النظام من اول يوم بالثورة للمشاركة لاحقاً بهيك تحالف بيطالعوا من العزلة اللي فيها و بيرجعلو شرعيتو بشكل تدريجي، تهاوت قدّام عينو و تلاشت مع لحظة رفض الاميركي لرغبة بشار بالمشاركة..
ما ترك طريقة بوحافظ لمشاركة الاميركان بضرب ما يسمى الإرهاب الا و عملها..
رسالة علنية و على الهواء مباشرة من وزير خارجيتو للانضمام..
رسالة غير معلنة من اللحام رئيس مجلس الشعب للكونغرس الاميركي بيدعيهون لقبول المشاركة ..
رسالة سرية من بشار الاسد نفسو نشرها اليوم روبرت فيسك على الاندبندنت يتوسّل فيها الانضمام..
يا أخي منجلي صحونكون، منرتّب تخوتكون، منغسل اواعيكون، ولك منعطيكون المعلّم يطبخلكون كل يوم طنجرة محشي و صدر كنافة ، بس اقبلو مشاركتنا..
و الرد دائماً من الاميركان بالرفض و تكرار الرفض و التأكيد دوماً على رفض مشاركة الاسد..
بعد اسبوع من المحاولات الفاشلة ، ما بقي للأسد الا ممارسة الهواية اللي اشتهر فيها..
فاليوم وكما كان متوقّع تماماً ، أعلن الاسد انو نزّل البنطلون وغيّر اعدادتو ليصير بوضعية الطوبزة الى الامام ، و ذلك بإعلانو عن وجود تلات منشآت كيماوية كان شايلهون لوقت الزنقة و ما مأعلن عنهون من قبل، و ذلك تماشياً مع مبدأ ” كل ما تتزنىء يا بشار إخلع”..
هواية أحسن ممارستها الاسد الاب، و درّب عليها الاسد الابن مو بس لممارستها، بل للتمتع بها اسمها صايرة و صايرة..
بس الاسد على ما يبدو نسي انو قانون السوق بيقول : كل معروض مهان ..
و تناسى انو قانون سوق العاهرات و هوّة سيد العارفين بهالمصلحة بيقول :
لا تطوبزي يا فلاني، يا ام عيون الدبلاني..
طارت الشهوة فيكي، لو الخدمة مجاني…
طارت الشهوة فيكي لو الخدمة مجاني
