” شعب خنوع و بسيط ، و رح يتقبّل انتقال السلطة من دون أي ردود فعل” ..
هيك اجا تقرير المخابرات اللي انكتب لحافظ الاسد في صيف عام ١٩٩٩ بعد توصية مخابراتية بإثارة إشاعة عامة في كل ارجاء سوريا عن زلزال رح يضرب البلد كلها في يوم ١٤ آب ، و ذلك لدراسة ردّة فعل الشعب و بساطتهون في تصديق اي إشاعة..
كنت يومها في صلنفة مع العيلة كلها ، اسمعنا انو زلزال رح يضرب سوريا اليوم بالليل و رح يدمّر كلشي، ما ضل حدا في سوريا بكل مدنها و اريافها، جهلتها و مثقفيها ، غنيها و فقيرها الا خرج للساحات العامة بعيداً عن البنايات تفادياً لسقوط حيطانها على رؤوسنا..
ملايين البشر بالشوارع ، و سيارات الأمن عم تجوب بيناتنا و تكتب تقاريرها اللي اجا بشكلو النهائي :
” هاد الشعب نايم و بسيط و رح يتقبّل فكرة انتقال السلطة لبشار من دون اي ردة فعل” ..
كل حدا فيكون اذا بتريدوا يكتب وين كان يوم الزلزال المخابراتي..
مواضيع ذات صلة:
