سوريتنا شغلة ما رح تفهمها

الرئيس الشاب اصدر مرسوم اليوم بسحب الجنسية السورية من كل مواطن حمل السلاح و شجّع و حرّض و نظّم ..

يعني عملياً انا اليوم و القارئين كلنا صرنا مو سوريين..

أمانة شي مخبر يوصّل هالبوست لبشار:

اذا كنت معتقد انو جنسيتنا بهالباسبور الزبالة اللي حاملينو بتكون غلطان، حلال عليك خدو..
و اذا كنت معتقد انو سوريتنا بالهوية الوطنية اللي حاملينها، و حشاة الله بخجل احملها لوجود نسرك الغبي عليها. خدها بالمرة حلالك زلالك..
و اذا كنت معتقد انو سوريتنا حبر مكتوب على صفحات دفاتر النفوس المعفنة، فأفضل انك تحرقها..

سوريتنا شغلة ما رح تفهمها..احساس بحياتك ما شعرت فيه لانّك ببساطة ابن عائلة جراد مهاجرة و استقرّت بهالبلد ..

بدك اتخلصني سوريتي..
بدك تسحب دمي من عروقي بالأول..
بدك تمحي ذاكرتي قبل كلشي ..
بدك تهدم بيت أجدادي اللي عمرو من قبل ما تتكون نطفتك القذرة في جوف والدك..
بدك تلغي ماضينا، تحتل أحلامنا ، تخترق أهدافنا ..
اذا سوريتي بباسبوري بس، ايه طظ فيك و بهالباسبور و بهالجنسية كلها..

انا سوري و رح ضل سوري ، و رح اندفن بقبر جدي و ابي غصباً عنّك ، و انت و من والاك من جراد، رح تبحثوا عن ارض خضرا جديدة، و وقتها بس ما رح اتشوفوا الا اليباس..

و بالنهاية يا سيادة الخرا..
فاقد الشيء لا يعطيه..