سرايا العاهرين الحلقة الاولى

سرايا العاهرين..
الحلقة الاولى..

في جو ربيعي ، و تحت دالية العنب ، و من على سطيحة قصر الشعب ( سرايا العاهرين )..
قعدت انيسة و اختها ام عاطف على أنغام كونشرتو علي الديك ( يا اوباما كيفك فيّا )، قعدوا يتفرجوا على مزرعة الشام من فوق و هنن عم يقرقعوا متّة..

– بتتذكري يا ام باسل يوم اللي بظّيتي المحروس بشار؟؟ و لك الله يطوّل بعمر بيّو بو باسل، و اتعيشي و اتشوفيه لهالنمر رئيس قد الدنيا..
– ولك اااااه.. الله يسلمك يا ام عاطف، بس و الله بحياتو هالجحش ما رح يكون متل بيّو، و لك بيني و بينك أخد عقلو لهالكر النسوان و لعب الأتاري، الله يرحمك يا باسل و الله ما كانت لابقة الا الك..

صوت ضجة و ولولة نسوان من داخل القصر، و عجقة حرس و خفقة ناس..

– و لك خير شو في يا ام باسل!!! الناس بالسرايا جانّة؟؟؟
– و الله أبعرف يا ام عاطف، افتحي هالفس بوك على صفحة اخبار الشام تانشوف شو صاير..

بشرى من بلكونة غرفتها، طالعة بقميص النوم، هارّة كحلتها، و شارّة مخطتها ، و عم تولول و تصرخ:

– و لك امّي .. ولك يا امّي الحقيني ..
– شو بدك ولك فاجرة ، قطعتيني و انا بآخر مرحلة بالكاندي كراش..ما هنتي اللي شردتي مع هالفدّان جوزك!!! شو بدي انا لحتّى كل يوم الصبح تجي تشكيلي على اداءو معك بالليل..
– و لك امّي ، شيليكي من قصة هالفدّان هلّق الله ياخدو ، كانت باطلة هالشريدة.. ابويي يا امّي ابويي مات..
– شو ما تقولي؟؟؟؟
– ولك مات يا امّي مات..
– مين مات و لك بقرة ؟؟
– ولك جوزك جوزك، يبلاكي بالطرش فوق جحشنتك..

نفضت ام باسل من على كرسيها،و وقعت صينية المتّة على رجليها، و اتطلعت على بشرى و صرخت فيها:

– ولك بشرى ما تخلّيه يروح قبل ما شوفو الله يوفقك، بدّي أبعت معو دبدوب زهري يعطيه لعمّك صلاح جديد اسمو طالع عجهنم و طالع..

في صالون سرايا العاهرين ، وفود من الرؤساء و السفراء بديو بالتوافد للممشاركة في الجنازة..
الكل موجود و محتار مين رح يصير المختار..
بشار ابو نص لسان ، او ماهر الفلتان..

شب ببدلة سودا مبهبطة عليه، و غرافات نيلي فوق قبة قميص لون خملة الدرّاق ، واقف ورا ماهر ما بدّو حدا يشوفوا..
– الله يوفقك يا ماهر ، قلّون للعالم بشار كمان مات ، أبدي صير رئيس الله يوفقك ..
– ولك خراس خراس فضحتنا بين الأجانب ،ولك الله لا يسامحك يا امّي على هالنزوة اللي عملتيها و جبتيلنا هيك عاهة..

ام باسل واقفة بنص الصالون و صوبها بنت حماها ام رامي عم يتوشوشوا..

– و لك ام باسل اسمعي مني حطّي ماهر الحمار و بلالك هالجحش بشار، و لك ما شايفة كيف شاخخ تحتو لسّا قبل ما يصير مختار !!!
– و الله باتمنى يا ام رامي، بس على ذمتي ماهر مفكّر حالو دونجوان ، ولد بيموت بالنسوان، بكرة بيتجوّز اربعة و بيصير عندنا اربع سيدات أوائل ، و انا بقعود على خازوق ساحة السبع بحرات، بس بشار جحش، بكرة بجوزوا وحدة سنيّة جحشة متلو ، و منركبها كلنا سوا.. و كيفك فيّا؟؟؟؟
– يا علي… ما أقواكي يا ام باسل، بحضّي بديني بإيماني ما بتخطر على راس مخلوف..
– مخلوف قلتيلي يا بهيمة!!!!! ولك بيقولو على راس مخلوق ، مو مخلوف ، يفضّحني هالعيلة اذا شفت اجحش منّا..

و من بين أصوات النحيب على وقع خروج تابوت حافظ عالصالون ، طلع صوت انيسة المتهدّج المصطهج للمرة الاخيرة بهاليوم :
– الله معك يا حافيظ، و بقلبها عم تقول ” درب اللي يسد ما يرد”…بس وينك يا بو باسل لا تهتم ، عندك بشار بيشرب دم..

و كانت هالصرخة بمثابة الإشارة للضيوف و المعزّين، باختيار بشار لشغل منصب بترون السرايا الجديد..
فتعالى التصفيق ، و علي صوت النهيق، و
هتف المعزّين بشدة، و صرخوا بصوت واحد:
الله سوريا بشار و بس
الله سوريا بشار و بس..

و من بين أصوات الجعير، طلع صوت وحيد منخفض بالكاد مسموع، و المصدر كان من داخل تابوت حافظ المفقوع:
– الله لا يوفقك يا انيسة على هالفعلة..
بحضّي ليرجعكن هالجحش عضهر البغلة..
في الحلقة الجاية من سرايا العاهرين..
تعديل الدستور ، و حفل تنصيب بشار الاسد رئيساً للمزرعة السعيدة..