الرئيس السوداني عمر البشير والمصري الاخونجي السابق محمد مرسي يحرصون على اخذ صورة بالمسجد يقرأون القرآن
الزول القاعد جنبي في الحافلة قال إنو زيادة أسعار الخبز ورفع الدعم لأنو البشير عاوز يوفر قروش عشان عاوز يشتري لينا قمر صناعي نراقب بيهو أعداء الوطن ،الركاب قعدوا يعترضوا على كلاموا فواحد قال ليهو :طيب ما يورينا إنو زاد العيش عشان يشتري لينا قمر صناعي ، فالراجل إبتسم إبتسامة خبيثة جداً وثبت النضارة في عيونوا وطوى الجريدة الكان ماسكها وخلف كراع في كراع وقال بي كل ثقة : لأ ، ماهو أساساً مفهم الأمريكان إنو مفلس وما عاوز يوريهم بي موضوع القمر الصناعي دا . ولمن يتشريهو ويطلقوا في الفضاء حيعمل فيها إنو راح مننا ، ويقوم يدسوا عشان يراقبهم بي مزاااااج كدا من دون يفكروا ليهو ، فغرت فاهي من الدهشة وأنا بسمع في البووول شيت دا وعاوز أنزل بي فهد العتيبي :يارباااااااااااآه ، السواق عاين ليهو كدا وقال ليهو :والله يا أستاذ نحنا فعلاً محتاجين نراقب الأمريكان ديل ، ياخ شوف النيل دا منسوبوا بقى واطي كيف ! قالوا ليك الأمريكان عاملين مواسير تحت الواطة عشان يسحبوا موية النيل ويودوها لإسرائيل . الوقت دا أنا ما عرفتا أنزل بي منو لكن إلى الآن أنا فاغر فاهي من هول الدويتو تعريصة بتاعت الإتنيين ديل وقلتا لي نفسي :ياربي دا يكون الأعرابي المعطونا بيهو لكن متنكر وعامل فيها أستاذ ؟!!! المهم أنا بقيت مستني سيادة الريس يجي يلصق ليهم الأوسمة والنياشين عشان فصول المسرحية دي تكتمل بي النهاية السعيدة وتختتم بي رقيص سيادة الرئيس على أنغام النار ولعت بي قمري الصناعي بطفيها .
