مصياف & الغاب . الآن
رسالة من عسكري الى من يهمه الأمر
اسمعوني يا عالم
نحنا عناصر اللواء 87على جبهة مورك
نحنا عناصر ضباط وصف ضباط
هاد الأكل يلي عم يوصلنا وبهي الطريقة الاكل عم يوصل لعنا ((سمر عباس اصحك تحكي شي لانو بيحاسبونا المسؤولين وبيبهدلونا الضباط او بيحطونا بالسجن ))
اصحك تحكي شي لانو مو من واجب الاعلام يبين هيك قصص او يفضح هيك واقع لازم نبين انو هالعسكري باحسن حالاتو ومأمنلو كلشي ومالازم حدا يعرف انو عم ينسرق اكلنا ومخصصاتنا يلي دولتنا الكريمة وسيادة الرئيس بشار الأسد مخصصلنا ياها
ما لازم حدا يعرف انو عم تنسرق كل المخصصات
واصحك تحكي انو عم يوصل بالشهر كلو 6 لتر من المازوت لكل عنصر
واصحك تبيني مين انا يلي حكيت لانو بكرا بصير انا يلي خربتا لسوريا وخنتا وطعنت الوطن بضهرو
……..
لك كيف هالعنصر بدو يضل مقاوم وصامد وبهي الطريقة عم يتقدملو الاكل يلي هوي مقومات الحياة ويلي هوي ابسط الامور لمقاومة هالعسكري
لا تزعل يا عسكري بكرا بس تستشهد وتموت منلزقلك ورقة عتابوتك ومنكتبلك ملازم شرف”
……انا العسكري بكرا بس موت ماني طالب من حدا منكن يفتخر فيني كرمونا واعتنو فينا ونحنا عايشين لانو انتو لولا وقفتنا نحنا العساكر عخط هالجبهة حقكن نص فرنك
#واقع
