Eiad Charbaji
امنيتي بالحياة انو شي يوم اقدر أتناقش مع إسلامي بأي موضوع، ولو كان عن الطبخ والنفخ، وما يفتحلي سيرة مجازر امريكا بالهنود الحمر…. بيحسسك على قد مو صاحب حق وموقف انو هوي هندي أحمر ومستعد يعبد النجوم والاصنام متلهم كرمال يوقف بوجه الظلم ، وبنفس الوقت وعلى قد مو مخلص وانسان مبدئي، بتلاقيه كتير مسرور من اللي ارتكبوا هتلر بحق اليهود، ومعجب فيه وكان متمني لو هتلر كمل شغله وما خلا منهن مخبر..!!!
أخونا الإسلامي ما بيعرف انو الهنود الحمر بأمريكا اليوم مدللين وعندهم حقوق وامتيازات اكتر من الاميركان العاديين، ويتم تعويضهم بكل الاشكال عن الماضي الاستعماري للاوروبيين، بينما الشعوب الأصلية في البلدان اللي (فتحها) دينو بالورود والاقناع، عم تباد اليوم على يد أحفاد الفاتحين اللي كمان هنن كمان ما قصروا وقتها. متل ما عميصير بالاشوريين
والسريان والازيديين والكنعانيين بسورية والعراق، أو يهانون ويذلون في ارضهم بدعوى انهم عملاء و اتباع الغرب متل الأقباط بمصر، والامازيغ بالمغرب العربي.
…. كتير حلو الموقف المبدئي والأخلاقي وقت يكون هيك موديلو.. ودفاعك عن الهنود الحمر ضد امريكا الكلبة كتير صادق يا خيو… صفي تحط ريشة بس ليكتمل المشهد…!!
والمصيبة هذا المنافق يصلي باليوم خمس مرات ، وناسي أنه مكانه محجوز بجهنم مع أمثاله المنافقين ، سلام ؟