Bassam Yousef
خيو بالمشرمحي وبلا أي مجاملة أو تهذيب.
أنا من المقتنعين والمؤمنين بأنه طالما هناك كلب من بيت الأسد قادر على العواء معناها سوريا ستبقى تنزف وتدمر، مو لأنو هني عيلة مهمة، ومو لأنو التاريخ بيبلش وبينتهي عندهن أبدا، بس لأن هذه العائلة هي تكثيف شديد لصيغة نظام الحكم في سوريا…. ومحاكمة هذه العائلة تعني بوضوح نهاية صيغة النظام السابقة، إن لم تكن نهاية كاملة فهي بداية النهاية .
منذ أن استلم “ملعون الروح” السلطة وهو يعمل على تحميل كل الموبقات والجرائم التي ترتكبها هذه العائلة والمافيا التي تحيط بها بحق السوريين على أحد ما، ثم يحرقه ويستبدله بآخر.
جيبو تاريخ سوريا منذ 1970 وشوفو … شو عمل بمحمود الزعبي وبعبد الحليم خدام وعصام الزعيم وشوفو شو قيمة علي دوبا وعلي حيدر تبع الوحدات الخاصة، وشوفو شو عمل بمئات العبيد الآخرين الذين خدموا العائلة وشاركوها جرائمها …
مارح يسترجوا السوريين يقولوا الحقيقة طالما هي العيلة بعدها موجودة بالسلطة … مبارح بصالة الفيحاء لما تشجع البعض وبدو يصرخ من الألم اللي جواتو راح سب على وزير الداخلية وعلى علي حيدر … واستنجد ببشار الأسد وسهيل الحسن.
ياحمار …ياحمار مو انت رحت واستنجدت بالمجرمين الحقيقيين، اللي هني بشار الأسد وسهيل الحسن وجميل الحسن وشلة العبيد اللي عم يدافعوا عن هي العيلة السافلة… ورحت تتقاوى على وزير الداخلية ووزير المصالحة اللي هني مجرد واجهات سخيفة لا بتحل ولا بتربط.
لما منشوف نحنا السوريين بيت الأسد عم يتحاكموا ساعتها لازم نقول انو سوريا بلشت تتعافى …. ولما بيستطيع أي سوري يطلع على قبر حافظ الأسد ويبصق عليه ساعتها منقدر نقول أن سوريا بدأت تتعافى.
من يقف مع هذه العائلة من السوريين لايريد الخير لسوريا ولا لنفسه ولا لعائلته ولا لمستقبل أولاده، ومن يقف معها من الأطراف الخارجية هو يريد تدمير سوريا، هذا لايعني أبدا أن من يقف ضدها من الأطراف الخارجية يريد مصلحة السوريين.
خايفين على تدمير سوريا …؟؟ سوريا اتدمرت، واذا بقيت هي العيلة رح ترجع تتدمر مرات ومرات …. ومو بس مارح يرجع الجولان .. رح تصير سوريا كلها جولان محتل …. ولواء محتل …
مارح تتعمر سوريا بوجود بيت الأسد، ومارح تقوم أبدا من محنتها …
ومارح نرجع كسوريين نعيد حساباتنا ونصير سوريين عم يشتغلوا لبلدهم ومارح نحب بعضنا ورح يضل هذا الحقد الأسود ينمو وينمو إذا ما تحاكمت هذه العائلة … لاتحلمو بسوريا تجمعنا إلا بعد ما تتحاكم هذه العائلة والكلاب القريبة منها… ساعتها بيصيروا الكل يحسبوا حساب انو نحنا بدنا نرجع سوريين ونعيش مع بعض شئنا أم أبينا …
اللي واقفين مع هي العيلة متل سهيل الجحش وجميل السفاح و..و… انتو مجرد أحذية رح يتم كبكن بحاوية زبالة بس تنتهي مهمتكن …
اللي خايف على سوريا …. بينسى كل شي وبيشتغل لتنطوى صفحة هذه العائلة القذرة من تاريخ سوريا.