خواطر شيطانية ؟؟؟
بالصدفة قرأت قصة ايلي كوهن ..
ايلي كوهن الجاسوس الاسرائيلي الذي كان في سوريا بفترة الستينات وصار مستشار وزير الدفاع وعلى نكشه كان استلم رئيس سوريا .. بس الحمدلله كشفوه بأخر لحظه وأعدموه بساحة المرجة ..
عم اتخيل لو ماكشفوه ووصل للرئاسة!! ياسلااام جاسوس إسرائيلي رئيس دولة عربية شي بيرفع الراس ..
عم اتخيل شو ممكن كان يعمل لو استلم رئيس, اكيد كان عمل جهدو يخرب سوريا بالكامل بس بكل سرية مشان ماينكشف امره .
كان بالبداية خرب القضاء بسوريا ودخل الرشاوي للمحاكم ودوائر الدولة وكان خرب اقتصاد البلد بمشاريع للدولة خسرانة ..
واكيد كان بيبني الكثير من المدارس الشرعية وتصبح وزارة الأوقاف اضخم واهم من وزارة التعليم وبيريشوا فقهاء السلطان مثل البوطي وبصير الناس ترد وراءه امين عندما يقول بأني رأيت كوهين مع الرسول بالجنة.
وكان عمل جاهداً مشان مايوفر امان للمستثمرين العرب والأجانب .. بتدخيل حيتان من طرفه ليستولي على أموال البلد
وكان جاب كل الناس الفاسدة والمفسدة وحطهن حواليه وسلمهن أمور البلد ..
اكيد كان رح يعادي إسرائيل بالظاهر مشان ما يلفت نظر ..
ورح يطبع معها تطبيع تام بالباطن ومن تحت الطاولة ..
وأكيد اذا الشعب قرر يثور عليه ويعمل ثورة رح يقمعه ويبيده ويستغل حالة الفوضى ليدخل على البلد كل شركائه ليكمل مشروعه
واكيد كان دمر البلد بالبراميل وهجر الشباب واعتقل واغتصب النساء وشرد الشيوخ والأطفال وحرق المعامل ودمر الزرع والأثار والحضارة …
الحمدلله اللي كشفوه وما وصل للرئاسة ؟؟؟؟!!!!!
فهمتو ولا افهمكم …….!!!!
منقول بتصرف