خواجا بينيامين و حياة اختك لا تصدق هالتصريح بس الجحاش اللي عندي بيحبوا هيك حكايات

بتصريح إيراني مثير للضحك ، قال احد المسؤولين العسكريين انّو ايران قادرة على تدمير اسرائيل بسبع دقايق و نص فقط لا غير ..

بعد ما انتهت كريزة الضحك اللاإرادي عندي ، توقفت لحظة جديّة و حاولت حلّل هالتصريح و شوف أبعادو و مدى دقتو اللا متناهية..

سبع دقايق و نص إيرانية كفيلة لإنهاء اسرائيل و مسحها عن الخريطة .

طيّب يا سيادة المرشد اول خامنئي..
اذا هالأد الموضوع سهل و ما بدّو منك الا قرار ، ليش خلقت في لبنان مليشيا عم تكلفك ما فتح و رزق ، و ليش اصطنعت الحوثي في اليمن و خسرت نتيجتها اخر فرصة للتعايش مع جيرانك الخليجيين ، و ما تساءلت لشو كلفة الفاطميين في أفغانستان ، و الحيدريين في باكستان ، و متلهون زينبيون في العراق ..
ما ضيعان استثمار مليارات الدولارات في الحرس الثوري ، و ما خسارة عشرات الألاف من زبالاتك اللي عم يموتو في حلب و صنعاء و بغداد و هنن في طريقهم الى تل ابيب ..

رأسمالها ولا خي سبع دقايق و نص ، و حنشوف العجب العجاب من صواويخك العابرة للاخلاق ..

لا استغرب هيك تصريح من راس المؤسسة العسكرية في طهران ، و لكن استغرابي يكمن في كمية الحثالات اللي سمعوا كلامك و صدقوه..

بتعرف شو ..
اكتر شي بتقدر تعملوا مع اسرائيل بسبع دقايق و نص ، إِنَّكَ تبعت رسالة نصية لمعملمك نتنياهو تخبروا فيها التالي:
خواجا بينيامين ، و حياة اختك لا تصدق هالتصريح ، بس الجحاش اللي عندي بيحبوا هيك حكايات ، و اسلم لعبدك المخلص خامنئي ..