والله شي بيحط العقل بالكف ..!
قبل الثورة ما كنا نعرف شو هوه التمييز العنصري ، ولا كان يخطر ببال حدا هالحكي بالعكس ..!
كان الكل متعايش مع الكل ولا أحسن من هيك ..!
هلئ العالم تفتحوا على ثقافة معته بغيضة كريهة إسمها التمييز الطائفي والعنصرية لحد التعصب والتشدد ..؟!
وصار الشعب السوري بمعظمه مقسومين بين جماعة / أنكر / و جماعة / نكير / ..!
أول ما بيشوفوك وأول سؤال بيسألوك والمزربات بأيديهون :
إنت من وين من سوريه ..؟
انته مسلم ، وإذا مسلم سني ولا شيعي ..؟
أو :
شو دينك ..؟!!
يعني ماعم أفهم الثورات العربية صارت لتطوير الإنسان واللحاق بركب الحداثة ، ولا لتأخر الإنسان وعودته إلى العصور الوسطى أو الجاهلية ..؟!
والله بخجل أسأل أي إنسان انته شو دينك ، لأنه مابيهمني ولا دخلني .،!!
المصيبة كمان انه اللي هاجروا للغرب من قبل الثورة كانوا مستميتين عالهجرة للحصول على أي جنسية غير سوريه ..؟؟
هلئ اتيحت الفرصة لمعظم اللي تهجروا لتحقيق حلمهم الأزلي بالهجرة للغرب ومعظمهم مسحوا قفاهون بجوازون السوري ومكيفين بانتظار تجنيسهم للدولة المضيفة ، ولسانون أوتوماتيكيا انعوج وصاروا يحكوا عربي مكسر ، وعند اول نقاش إجتماعي بيبلشوا يبيعونا عروبة ووطنية ..!!
حتى اللي بقيوا بالبلد بيبيعونا مثل عليا بالوطنية وفي قرارة أنفسهم يتمنون الهجرة ونسيان كل مايمت للعروبة والأصول برابط ..!
يعني حضرتي عشت 23 سنه باميركا وبقيت لأكثر من خمس سنين بالبداية ما انعوج لساني بالإنكليزية بل واصريت على تعليم أولادي اللغة العربية وما كنت احكي معون إلا عربي ..!!
طبعا بعد 23 سنه غربه غصبن عني تغيرت لغتي بسبب الدراسة والمجتمع مع احتفاظي بلغني الأم مع الأولاد بالبيت ..!!
شلووووون من أول وتاني سنة انعوج لسان المهاجرين ماعم أفهم ، وياريت عوجة مظبوطة إلا عوجة عرجه ومكسرة ومصخمه كمان ..!!
بالمختصر الثورة السورية ولو تحققت بعد طول انتظار ، ولكنها لم تعمل على تقدمنا بل أعادتنا إلى عصور ما قبل الجاهلية مع الأسف ..!!
وقبل الثورة معظم السوريين مع أنهم مسلمين لم يكونوا ملتزمين دينيا ولا متعصبين ، ولكن على أيام الثورة ما شاء الله وكان ، معظمنا صرنا شي مفتي ، وشي داعية ، وشي شيخ ، ومعظمون صار بيتصلى على ديالون ..!!
يعني نحنا يا إفراطا يا تفريط وياريتنا مستفيدين شي ..!!
الله لايعطيك عافية يا ابن المستمتعه يقبرنا ياك ، شو عملت بالشعب السوري ..؟!
بقى كرمال الله لاحدا يزاود على حدا ويبيع وطنيات وعروبيات مزيطية والعيوب الشرعية كلها صارت ساكنه فينا إلى أجل مسمى أتمنى أن لا يطول ..!!
خلينا نكون سوريين متل ما كنا ، وإن تغيرنا فليكن للأفضل وليس للأسوأ ..!!
مسلم سني ، مسلم شيعي ، كردي ، تركماني ، عربي ، آشوري ، سرياني ، شركسي ، ارمني ، يهودي ، ماببهم المهم نكون سوريين ..!
سوريه لن تكون إلا سوريه لا عربية ولا اعجمية ، سوريه وبس ..!
واللي مو عاجبه يروح ينطح الحيطان واللي ما بيعرف ينطح يتعلم المناطحة وحاجتنا احتكار للقومية والطائفية ..!
خلينا نرجع نكون سوريين كرمال عيون الشام ..!
