حيطان اللادقية صامدة صحيح، و لكنها حيطان من ورق

من جملة الكتب المدرسية اللي مرّت علينا في الايام اللي قضيناها في انفرادية سجن البكالوريا ، كان كتاب قصة مدينتين..
قصة من روائع الأدب الاوروبي اللي حكي فيها الكاتب ديكنز عن الأحوال في باريس و نقيضها في لندن إبان و خلال الثورة الفرنسية و إرهاصاتها..
ابدع الكاتب برسم هالتناقضات وتصويرها ، و بحث في اسبابها و تداعياتها عالمدينتين بالرغم انو سكانها بيحكوا لغتين مختلفتين ، و بيدينوا أهاليها لكنيستين متصارعتين .. تكلم عن هالتناقض عالرغم من وجود بحر المانش الهائج و اللي بيفصل جغرافية فرنسا الثائرة بهداك الوقت عن شواطىء بريطانيا المتفرّجة..
شو كان عمل صاحبنا ديكنز لو وقّف على ابواب اللاذقية اليوم ، و شاف حالة الشيزوفرينيا اللي صايبة احياء واحدة من اعرق مدن العالم و أكثرها أصالة ؟؟ كان فجّر العالم بكتاب عنوانو قصة تلات مدن في مدينة..
الصمت و الفجر..
الخوف و البطر..
الحزن و الشماتة..
الموت و قلة الموت..
القلق و التطنيش..
الجوع و التخمة..
العطش و المسابح..
العفّة و الدعارة..
التهجير و الاستيطان..
هالمدينة اللي عبر تاريخها موصوفة انو قوتها بضعفها، غناها ببساطة أهلها ، ثقافتها بسلاسة مثقفيها ، و دورها البطولي بدور الكومبارس اللي لعبتو..
كيف لهيك مدينة انو تتحمّل جملة الشذوذ الطارئة على مجتمعها؟؟
و مع الأسف كل السوريين بينظروا لهالمدينة بأحد نظرتين بشعتين :
اما بيوصفوها بعاصمة الشبيحة و العلويين ، او بيوصفوها بأنها المدينة المحظوظة و اللي ما اتكسّرت على رؤوس أهاليها..
رح تنتهي الثورة، و رح يرجع اللاجئ في تركيا الى مدينتو حلب ليعمرها ، و رح يلم النازح اغراضو و يرجع الى مدينتو دمشق ليبنيها، و رح يضب المهاجر عفشو و يرجع لمدينتو في حمص و الدير و ادلب و درعا و الرقة ليوقّفها على رجليها..
حيطان كل المدن و شوارعها اتهدّمت صحيح ، و اللادقية ما زالت حيطانها صامدة ما وقعت ، كمان صحيح .. و لكن اللي انهدم في اللاذقية ما بحياتو بيتعمّر و لا تحت اي ظروف بيتصلّح..
يا ترى سألتوا نفسكون هالاسئلة ؟؟
هل مليون علوي مسلّح رح يرموا نفسهون بالبحر يوم سقوط الاسد او رح يرجعوا عاللادقية ؟؟
هل آلاف المرتزقة و الحرامية السنّة و المسيحيين رح ينتحروا باليوم الاول بعد سقوط الاسد ، او رح يلجؤوا لبيئتهون الحاضنة في اللاذقية؟؟
هل سألتو شو رح يصير بهاللادقاني المعتّر الصابر على جيرة قوم لوط؟؟
حيطان اللادقية صامدة صحيح، و لكنها حيطان من ورق ، رح تتهاوى مع اول نسمة سقوط لبشار الاسد ..
فلا تنسونا ..
و اتذكروا انو اهل اللاذقية الحقيقيين هنن اول مين رد على صرخات اهالي درعا..