بليلة كان الليل طويل
الدنيا شتوية وأمطار
ماحاسن لاقي تحليل
إنشق الليل من الإعصار
مرقت حورية بالحلم
دخلت بدون إعتذار
قالت:
شو قصتكم بهالأرض
كلها خراب وتدمير
السما ملييت عّم بتزّم
العدد عنا صار كبير
ولاد صغار- كبار السن
مافي غير قصص التفجير
صار الوضع كتير مضر
والسما ملييت حمير
مين معبي راس الكل
برحلة عالجنة بتسّرّ
قلتلها ياست الكل
هول ناس بلا ضمير
عنا مشايخ عّم بتعرّ
معباية رووس الحمير
بتحشي راسهن طول الليل
حتى يقوموا بالتفجير
بتوعدهم بكنوز الكون
شي طويل وشي قصير
حوريات من لون ولون
شي وصيفة وشي وزير
بكيّت وقالت ياحيف
شو فيه عالم عقلها صغير
مفتكرين الجنة بس
كل واحد بيصير أمير
حوريات العين كتار
ياحرام عالتعتير
وفجأة مني راح الحلم
ووعيت عصوت التفجير
دخل عمدرسة ولاد
لافف خصره بالزنار
وبعدها بلَّش بالتكبير
هاالأبن الستين حمار
عقله كان شقد صغير.
#joulmakhoul
