اسماعيل محمد مؤسس البط الأسود
فيه ناس مفكرين نفسهم مثقفين وتنويريين مش مصدومين من خبر اعتقال اسماعيل محمد وبيقولوا ان أفكاره ساذجة وانه غير عميق وغير قارئ وإلحاده مش بسبب دراسة وإنما رد فعل على أحداث معينة وهكذا…
شوف يا عميق انت: حرية الرأي لا تقاس بعمق الرأي أو ضحالتة ولا حتى بأهميته.. للجميع الحرية في الإدلاء بآرائهم. ومع ذلك اسماعيل ومجموعة الشباب اللادينيين وصلوا لملايين من الشباب وشجعوهم على إعمال العقل وجرأوهم على النصوص المقدسة الجامدة في حين ان انت عمال تسرق أفكار كتاب تانيين وبتعيد صياغتها بلغة مايعة لا تصل إلا لأصحابك على الفيسبوك اللي بيفكروا زيك كدا كدا…
وإسماعيل بالذات عمره ما إدعى انه مصلح أو تنويري أو مثقف كبير.. هو مجرد ميكروفون لشباب لا دينيين لا يعطيهم الإعلام حق التعبير عن آرائهم إلا إذا كان يريد أن يسخر منهم أو يتعالى أخلاقياً عليهم… يعني بالظبط زيك كدا.. وعلى العموم انت مش محتاج تدرس وتتعمق عشان تلحد.. دي حرية عقيدة.. زي معظم المسلمين أمثالك ما درسوش ولا تعمقوا عشان يبقوا مسلمين!
يا أخ يا مثقف.. انت اللي ضحل جداً وتافه جداً.. وأنت جزء من منظومة التخلف التي تنتقدها، لأنك بدل ما تقف بجوار مظلوم محبوس بسبب أفكاره تنتهز الفرصة لتطعنه في ظهره.. أنت متواطئ مع المتخلفين ومع منظومة القمع.. أنت إسلامي في زي تنويري وما أكثركم!
#حامد_عبدالصمد