حجاً مبروراً وسعياً مشكوراً لجميع من إستطاع إليه سبيلا، عدا هؤلاء !
————————–
حج ٥ نجوم مع’ إضافي’ إكسترا تشارجز
extra-charges.
-منقول-
البائع : أهلا وسهلا.. شرفتوا.. تفضلوا
المدام : أهلا فيك.. إحنا جايين نسأل على الرحلات
trips
اللي عندكم على مكة.. بِهادا الفصل
season
يعني..
البائع : الحج قصدك؟ أكيد مدام.. في عنا خطط جديدة
new plans
أكيد راح تعجبكم.. بس قولي لي.. أي باكدج بتفضلوا؟ حج سريع؟ ولا عادي ولا كيف؟
الزوج غسان: هلأ إحنا ما بنعرف التفاصيل.. بس بدنا شي سريع
fast ..
يعني بتعرف الإرتباطات مع العائلة وفترة العيد وهيك.. ما بينفع نتأخر.. وبنفس الوقت بدنا نؤدي الشعائر الروحانية
البائع : تمام .. لكان خلينا بالأول نحكي عن الأوتيل.. وبعدين بنحكي عن الشعائر.. هلأ في عنا أكتر من خيار للأوتيلات.. في
Hilton mecca >>
.. في
movenpick >
في
Fairmont
.. أي أوتيل بتحبوا تاخدوا؟
المدام : بدنا أحسن شي.. وخليه
Suite
عشان الواحد ياخد راحته..
البائع : تمام.. كلهم ممتازين مدام.. بس
Fairmont
تقريبا هو أحسن واحد.. أنا شخصيا بنصحكم فيه.. ولحسن حظكم في متوفر جناح
Suite ..
بس يا ترى بتحبوا ال
suite
يكون كعبة ڤيو؟ ولا حرم ڤيو .. أو سيتي ڤيو.. لأنه الكعبة ڤيو بكون عليه شوية ‘إضافي’ إكسترا تشارجز..
المدام : أكيد لازم يكون كعبة ڤيو .. عشان ناخد صور
photo taking
وهيك.. ولا شو رأيك غسان؟
الزوج : طبعا طبعا حبيبتي.. (يوجه كلامه للبائع ) إحجز
suite
مطل عالكعبة.. بهاد الأوتيل الفيرمونت .. بس إشرح لنا كيف إجراءات الشعائر بتصير .. لأنه إحنا أول مرة بنروح.. وما عنا خبرة قبل.. وبصراحة مش حابين يعني نكون في وسط الزحمة وهيك..
البائع : حضرتك، الإجراءات سهلة كتير.. هلأ معظم الزبائن
clients
عنا بيحبوا الحج السريع.. بس أنا راح أشرح لكم كل شي عن الشعائر .. وإنتوا بتختاروا اللي بدكم إياه..
المدام : أكيد .. تفضل
البائع : هلأ أول يوم بتوصل الطيارة جدة على الساعة 8 الصبح…. ومن هناك بيستقبلكم مندوبنا في ليموزين.. وبيوصللكم للأوتيل بمكة.. ممكن وقتها بعد الفطور.. تعملوا طواف القدوم والسعي بين الصفا والمروة…. وهون إحنا بنوفرلكم بيكون كتير أسهل عليكم من المشي .. وبيكون في كمان مرافق معكم .. موجود معه
water& refreshments >>
.. وكل شي بتحتاجوه.. بعد الطواف.. في غدا بالأوتيل.. بعدين بتتوجهوا بسيارة خاصة لمنطقة منى.. منى منطقة جميلة جدا .. وفيها كتير خيم.. بتقضوا النهار هناك في خيمة
5 stars تابعة إلنا.. فيها تكييف.. تلفزيونات كبيرة.. وواي فاي سريع.. و
open buffet
.. كل شي تقريبا.. .. وفيكم كمان تناموا هناك لو بدكم .. بس لو مش مناسبتكم النومة في الخيمة.. .. ممكن تناموا بالأوتيل عادي… بس راح يكون في كفارة.. أو خلينا نقول إكسترا تشارجز ..
الزوجة : يعني أول يوم تخييم
camping
تقريبا.. حلو والله هيك.. ولا شو رأيك غسان؟
الزوج : كتير حلو.. بس أنا ما بفضل أنام في الخيمة..برأيي خلينا نرجع على الأوتيل ننام فيه أحسن..
البائع : تمام .. لكان بنرتب لكم رجعة على الأوتيل المسا.. تاني يوم هو يوم عرفة.. بعد الفطور الصبح.. مندوبنا يأخذكم بسيارة جولف.. وبتتوجهوا لجبل عرفة تقضوا النهار هناك..
المدام – مقاطعة – : شي زي ال التسلق
hiking
يعني؟
البائع : لا مدام.. مش
hiking
تقريبا.. التمتع بمناظر
sight seeing
لأنه مش جبل جبل.. هو مكان واسع هيك… وحلو .. و انتوا هناك بتكونوا بإستراحة تابعة برضه لشركتنا.. بس بتقضوا النهار هناك.. وبيكون فيه كمان كل شي بتحتاجوه في الإستراحة.. تقريبا كأنكم بالأوتيل.. المسا طبعا.. لو حبيتوا تناموا بمزدلفة.. ممكن تناموا فيها.. أو ممكن ترجعوا على الأوتيل.. بس في شوية إكسترا تشارجز..
الزوج : أخي قلت لك أنا.. إحنا مع كل الإحترام للشعائر.. بس ما راح ننام بره الأوتيل..
البائع : تمام سيد غسان.. ولا يهمك.. هلأ بعد يوم عرفة.. بيكون العيد.. وفي صباح العيد.. بعد الفطور.. بنقدر يرتب لكم مندوبنا عملية الدبح..
المدام تضع يدها على رأسها من الصدمة..: يا ربي
Oh mon dieu!
الزوج : الله يسامحك.. شو اللي قلته؟ زوجتي عندها فوبيا من البربرية اللي قلتها هاي .. احنا ما راح نعمل هيك يا أخي .. شوف لنا طريقة زي هون.. نمرر بطاقة إعتماد
where we can swipe our credit card or something>>
هيك شي رمزي..هِبة
donation..
بدون دم.. أستغفر الله بس.. شو هاد؟؟
البائع : ولا يهمك أستاز.. اعتبرها صارت
consider it done
.. بعتذر منك مدام.. تقبلي إعتذاري رجاءًا..
المدام تتنهد: ما في مشكلة
pas de problème.
البائع : حقكم علي.. المهم هيك بتكونوا تقريبا خلصتوا الحج.. بضل بس انكم تتوجهوا لرمي الجمرات.. وهون إحنا ممكن نوفر لكم منطقة خاصة وسيارة جولف صغيرة.. بحيث ترموا من السيارة.. بدون ما تختلطوا بأي حد من الحجاج.. ولا تنزلوا من السيارة حتى..
المدام : مش هاد اللي ماتوا فيه الناس السنة الماضية غسان؟ ما راح نروح عليه هاد.. شيلو من البرنامج
program بليز..
البائع : ولا يهمك مدام.. فينا نوكل مندوب من عنا يرمي عنكم.. بس بيكون عليها برضه إكسترا تشارجز..
الزوج : الفلوس مش مشكلة.. بس هيك بنكون خلصنا يعني؟
البائع : هيك بكون خلص سيد غسان.. بعد الظهر بكون السائق جاهز يوديكم على المطار..
المدام : يعني يوم
camping
ويوم
hiking
.. أو
sight seeing..
لطيف كتير غسان مو؟ بس متعب شوي صح؟
الزوج : يعني حبيبتي .. الأجر على قدر المشقة.. و من زمان والواحد نفسه بشي روحاني
spiritual
وهيك.. وهي إجت الفرصة..
خلص إحجز لنا .. go ahead
.
????
————————
أهم شي ما يِنْدَهولَك بس ترجع ‘يا حاج’ يا أستاذ غسان …
