حتى شركة محترمة متل ويسترن يونيون تبهدلت بسوريا

شوفوا آلية السرقة بسوريا و بترخيص من الدولة
شركة الفؤاد الّي بتستلم حوالات ويسترن يونيون بالبلد ، هي حوالة بتاريخ مبارح يعني وقت الدولار ب 640 ل.س هي مسلمة المبلغ المرسل لشخص سوري وحاسبينله الدولار ب 490 ليرة يعني سارقين فقط 150 ليرة بكل دولار .
طبعاً هاد النوع من الحوالات بيرفضوا الحرامية يعطوا ايصال فيه للمستلم بس كوني طلبت منه يصورلي الحوالة فصورها عندهن و سحبوها منه .
((( حتى شركة محترمة متل ويسترن يونيون تبهدلت بسوريا )))
على فكرة : هي غير انه اذا الحوالة مثلاً 20800 ليرة بيسلموا المستلم بس 20000 و بياخدوا الفراطة رغم انه الحوالة مدفوعة التكاليف ، بيتعاملوا مع الشعب على انه أُمي و حمار و اذا كان فلهوي و بيقرا و رجع لعندهن و قلهن وين ال 800 بكل خجل بيطالعوها من الدرج و بيناولوه ياها بما معناه انه : برافو نفدت انت .
نسيت خبركن انه الشخص بيسمحوله يستلم بس 3 حوالات مع نظرة من تحت و بيقولوله اسمك صار عند الامن ، واذا اجته حوالة رابعة بيقولوله مافي علماً انه هن شغلتهن يوصلوا حوالات و يقبضوا رسوم ، قال يابعدي عم يحاربوا الارهاب ، عأساس الارهابي ناطر حوالات من برا .. لك يلعن شرف الي حط القوانين بهالبلد اذا بيفهم ، لك غبي لما بتستقبل حوالات بتكون عم تدعم الاقتصاد و لما بتحددهن بتكون عم تكسره .