حاجة نفاق و اكل هوا..حريّة و بس

قولوا اللي بدكون ياه.. و احكوا اللي ببالكون ..
قولوا الثورة انحرفت ..
قولوا الثورة اتأسلمت..
قولوا الثورة تاهت عن أهدافها ..
قولوا الثورة فقدت البوصلة..
شوهوها اكتر اذا بدكون..
ادعسو عليها.. قوصوا في صدرها.. اوصفوها بأبشع الاوصاف..
احكو اللي بدكون تحكوه.. بس ما تنسوا، اوعاكون تنسوا، و لا بسمحلكون انّو تنسوا:
ميتين ألف سوري استشهدوا، و ملايين من البشر اتشرّدوا و هنن عم يقولو حريّة ، حرية و بس، بوقت المتأسلم و المنحرف و فاقد البوصلة كان بعدو عم يقول :
الله سوريا بشار و بس..
حاجة نفاق و اكل هوا..
حريّة و بس..