ما بعرف شو سر اصرار الجحش بشار و أبوه من قبلو على تحمّل عبء الذهاب تلات مرّات في السنة الى الجامع لأداء صلاة عيد الأضحى و الفطر و المولد النبوي؟؟؟
حدا بدّو يقنعني انّو مؤمن و عم يقوم بالفروض ، فهيدي اكبر نكتة بتاريخ صناعة النكت ، فالعينتين اللي صار مدمّر آلاف المساجد ببراميل الحقد فوق رؤوس المصلّين ، اكيد غير مهتم بإرضاء رب العالمين..
و اذا كانت رسالة موجّهة للغرب و الشرق انّو انا رئيس مؤمن ، كمان هالشي بيدخل باطار النكت السمجة، فأبو عيون زرق و سنان فرق ما بيوفّر مناسبة الا ليقول لاصحاب العيون الزرقاء انّو انا علماني و كاس الويسكي ما بيفارقني، و شوفوني ما أحلاني، و شو ظريفة ألواني..
اما و اذا كانت الرسالة موجّهة الى أهل السنّة في سوريا انّو انا يا جماعة منكون و فيكون ، حبّوني و وقفولي هالحركات الزعرة اللي عم تعملوها ، فما بقا حدا من هالناس شايفك قدّامو يا معلم ، و ناطرين موتك متل ما انت بتنتظر اتصال شهرزاد بالليل بعد ما تنام ام عيون دبلانة..
اما الكارثة اذا كان بو حافيظ عم يوجّه رسالة الصلاة الى جماعة ” مين رَبِّك ولا؟؟؟ “” فهادي حتماً مزحة سميكة ما استرجى حتى ينطق فيها اللذيذ فارس الشهابي او المهضوم احمد كلاش او الكوميدي شريف شحادة ، فجماعة ” مين رَبِّك ولا ؟؟ “” ما ارتفع عندهون الأدان من ايام محمد بن نصير مؤسس مذهب ” قول رَبِّك بشار ولا “..
بقا نصيحة للعينتين..
و الله مانك مضطر اتفيق الصبح و تنتع حالك هالنتعة و تلبس تياب العيد و تشحط معك كل مشايخ طناجر المحشي و تقلقلون راحتهون منشان توقف قدّام رَبِّك ..
لاحق توقف قدّامو ، و الله لاحق ، و وقتها رح تعرف تماماً ” مين رَبِّك ولا”..
#وقهلا..
الصورة للمجرم بشار الأسد يؤدي صلاة العيد اليوم شاهد الفيديو هنا: بالفيديو المجرم بشار الاسد يؤدي صلاة العيد في جامع الصفا بحمص 6\7\16